უკან

უახლესი ამბები

დღის კალენდარი

ანონსები

არქივი

პოლიტიკა

23 ივლისი, 2018 15:35
font-size

საპარლამენტო ფრაქცია „ქართული ოცნება - ძლიერი საქართველოსთვის“ „სივრცითი მოწყობისა და ქალაქთმშენებლობის საფუძვლების შესახებ“ კანონპროექტზე ინფორმაციას ავრცელებს

27 ივნისს, საქართველოს პარლამენტმა პირველი მოსმენით მხარი დაუჭირა საპარლამენტო ფრაქცია „ქართული ოცნება - ძლიერი საქართველოსთვის“ მიერ წარდგენილ კანონპროექტთა პაკეტს - „სივრცითი მოწყობისა და ქალაქთმშენებლობის საფუძვლების შესახებ“, რაც დეტალურად განსაზღვრავს სპორტული, გამაჯანსაღებელი და სარეკრეაციო ტერიტორიის ცნებას, განსაკუთრებული სამშენებლო რეგულირების ზონების გამოყენებისა და განაშენიანების რეგულირების წესებს.

აღნიშნულ საკანონდებლო ცვლილებებზე აქტიური მუშაობა ვაკის მაჟორიტარმა დეპუტატმა, ბიძინა გეგიძემ, 2016 წლის საპარლამენტო არჩევნებისთანავე დაიწყო, 2018 წლის იანვირდან კი, ფრაქცია „ქართული ოცნება - ძლიერი საქართველოსთვის“ ჩამოყალიბებისთანავე, კანონპროექტზე მუშაობა ფრაქციის ფორმატში გაგრძელდა. მუშაობის პროცესში ჩართული იყვნენ დარგის სპეციალისტები და არქიტექტორები, ასევე, შესაბამისი უწყებების წარმომადგენლები: კულტურისა და სპორტის, ეკონომიკისა და მდგრადი განვითარებისა და იუსტიციის სამინისტროებიდან, წარმომადგენლები არასამთავრობო სექტორიდან.

როგორც ფრაქცია „ქართული ოცნება - ძლიერი საქართველოსთვის“ მიერ გავრცელებულ განცხადებაშია აღნიშნული, მიუხედავად კანონპროექტის პირველ მოსმენაზე პარლამენტის პრინციპული დადებითი გადაწყვეტილებისა, 17 ივლისს, მეორე პლენარული მოსმენის წინ, დარგობრივი ეკონომიკისა და ეკონომიკური პოლიტიკის კომიტეტმა „სივრცითი მოწყობისა და ქალაქთმშენებლობის საფუძვლების შესახებ“ საქართველოს კანონში ცვლილებას მხარი მას შემდეგ არ დაუჭირა, რაც პროცესში მერიის წარმომადგენლები ჩაერთნენ.

ფრაქციაში „ქართული ოცნება - ძლიერი საქართველოსთვის“ აცხადებენ, რომ საკანონმდებლო ინიციატივის მიზანს წარმოადგენს საქართველოში, განსაკუთრებით კი დიდ ქალაქებში, სპორტულ-გამაჯანსაღებელი ინფრასტრუქტურის ობიექტების შენარჩუნება-განვითარება, ჯანსაღი გარემოს შექმნა და სარეკრიაციო ტერიტორიებისა და სპორტული ობიექტების ერთ სამართლებრივ რეჟიმში მოქცევა მათი საერთო სივრცეში განვითარების ხელშეწყობის მიზნით. ფრაქციაში ფიქრობენ, რომ აღნიშნული საკანონმდებლო ინიციატივა კრიტიკულად მნიშვნელოვანია ჰაერის მაღალი დაბინძურების ფონზე, რაც იწვევს ნერვული სისტემის, გულ-სისხლძარღვთა დაავადებებს, სხვადასხვა სახის სიმსივნეს, ლეიკემიას.

,,განსაკუთრებით მოწყვლად კატეგორიას კი ბავშვები და მოზარდები წარმოადგენენ. სწორედ მოსახლეობის ჯანმრთელობის დაცვის მიზნით, აუცილებელია, რომ საკანონმდებლო დონეზე მოხდეს ჯანსაღი გარემოს შენარჩუნება და ახალგაზრდების სხვადასხვა სპორტით დაკავება. იმ შემთხვევაში კი, თუ სპორტისა და რეკრეაციის ერთ გარემოში თანხვედრა მოხდება, ეს დადებით შედეგს მხოლოდ და მხოლოდ წაახალისებს.

ამის საპირწონედ კი, გაუგებარია, რატომ მიაჩნიათ თბილისის მერიის მაღალჩინოსნებს კატეგორიულად მიუღებლად პარლამენტში ინიცირებული ცვლილებები, რომლის მიზანს სარეკრეაციო ტერიტორიებისა და სპორტულ-გამაჯანსაღებელი ტერიტორიებისა და ობიექტების ერთ სამართლებრივ რეჟიმში მოქცევა წარმოადგენს. როგორც 17 ივლისს, დარგობრივი ეკონომიკისა და ეკონომიკური პოლიტიკის კომიტეტის სხდომის შემდეგ თბილისის მერის მოადგილემ, მაია ბითაძემ განაცხადა, მერიისთვის „კატეგორიულად მიუღებელია, რომ სპორტულ-გამაჯანსაღებელ-სარეკრეაციო ტერიტორიებმა მთლიანად შთანთქოს დანარჩენი სარეკრეაციო ტერიტორიები“. გაუგებარია, რატომ არის მერის მოადგილე, სპორტულ-გამაჯანსაღებელ-სარეკრეაციო ობიექტების ერთ სივრცეში მოქცევის წინააღმდეგი იმ დროს როდესაც, ამისი არაერთი ჯანსაღი მაგალითი უკვე არსებობს თუნდაც თბილისის მაგალითზე: ვაკის პარკის, ვერის ბაღის, კუს ტბის სახით, სადაც ერთმანეთს ერწყმის სპორტი და რეკრეაცია. გარდა ამისა, მსგავსი მიდგომა, რაც სპორტისა და რეკრეაციის თანხვედრას გულისხმობს, აპრობირებულია ევროპულ ქვეყნებში. გამოდის, რომ მერიისთვის სპორტია საფრთხე ჯანსაღი გარემოს შექმნის კუთხით?

მოქმედი კანონმდებლობით, შესაძლებელია სამი ტიპის სარეკრეაციო ზონის მოწყობა, სადაც, გარკვეულწილად, დასაშვებია განაშენიანება და კანონმდებლობა ტოვებს სივრცეებს შეუსაბამო ინტერპრეტაციებისთვის, რაც, საბოლოო ჯამში, აჩენს კანონის აღსრულების პრობლემას და შედეგად გვაქვს დაუცველი სარეკრეაციო სივრცეები და უმძიმესი ეკოლოგიური მდგომარეობა ქვეყანაში. ფრაქციის საკანონმდებლო ინიციატივა კი, სწორედ ამ საკანონმდებლო ხარვეზების აღმოფხვრას ისახავს მიზნად, რათა კანონის აღმასრულებელს არ დარჩეს გარემოს საწინააღმდეგოდ ინტერპრეტაციის არანაირი შესაძლებლობა.

საკანონმდებლო ინიციატივას, რაც, ერთი მხრივ, გააჯანსაღებს გარემოს, მერე მხრივ კი, მკაცრი რეგულირების ქვეშ მოაქცევს ქაოტურ მშენებლობებს, დეპუტატების მხრიდან პირველ მოსმენაზე ჰქონდა მხარდაჭერა. მაშ შემდეგ კი, რაც მერიის მაღლაჩინოსნებმა დააფიქსირეს პოზიცია, რომ სპორტი ეკოლოგიის და რეკრეაციული სივრცეებისთვის საფრთხეა, მაშინ, როდესაც ყველასთვის ცნობილი ფაქტია, როგორ შენდება მრავალსართულიანი შენობები სარეკრეაციო სივრცეებში, რასაც ბოლო დროს მერის აქტიურობაც მოწმობს, სპორტის რისკად შეფასების გამო, დარგობრივი ეკონომიკისა და ეკონომიკური პოლიტიკის კომიტეტმა მხარი აღარ დაუჭირა პლენარულ სხდომაზე პირველი მოსმენით მიღებულ საკანონმდებლო პაკეტს, რაც სავსებით მოკლებულია არგუმენტაციას.

დარგობრივი ეკონომიკისა და ეკონომიკური პოლიტიკის კომიტეტმა, ფაქტობრივად, გაიმეორა მერიის პოზიცია და უარყოფით დასკვნას დაუჭირა მხარი იმას, რაზეც მანამდე, პარლამენტის 6 კომიტეტს აქვს მიღებული დადებითი გადაწყვეტილება. გარდა ამისა, სპორტული და სარეკრეაციო სივრცეების ერთ სამართლებრივ რეჟიმში მოქცევა კანონპროექტის ერთ-ერთ პრინციპულ საკითხს წარმოადგენს, რასაც პარლამენტმა პირველი მოსმენის ფარგლებში მხარი უკვე დაუჭირა. ამავდროულად, აღნიშნული დოკუმენტი დადებითად არის შეფასებული პარლამენტის იურიდიული დეპარტამენტისა და საბიუჯეტო ოფისის მიერ, ასევე მთელი რიგი სამინისტროების მხრიდან.

ფრაქციაში მიიჩნევენ, რომ მერიის პოზიცია არარესპექტაბელურია იმის გათვალისინებით, რომ სპორტს საშიშროებად აღიქვამენ განაკუთრებით იმ ფონზე, როდესაც თბილისის მერის, კახა კალაძის წინასაარჩევნო პროგრამის ნათელ გზავნილს წარმოადგენდა მწვანე სივრცეების, სკვერების, პარკების, სათამაშო მოედნების, კულტურული მემკვიდრეობისა და საზოგადოებრივი სივრცეების დაცვა-განვითარება, რაც მას შემდეგაც არაერთხელ აქვს დეკლარირებული, თუმცა, როგორც ჩანს, მერიის სხვა ოფიციალურ პირებს განხვავებული პოზიცია გააჩნიათ.

ფრაქცია „ქართული ოცნება - ძლიერი საქართველოსთვის“ აქტიურად აგრძელებს მუშაობას აღნიშნულ საკანონმდებლო ინიციატივაზე და მიაჩნიათ, რომ ფართო საზოგადოება მხარს დაუჭერს თითოეული მოქალაქისთვის მნიშვნელოვან კანონპროექტს“, - ნათქვამია ფრაქციის განცხადებაში.

საკვანძო სიტყვები:

განწყობაც და დამოკიდებულება ჩვენი არის, რომ დიალოგს ალტერნატივა არ აქვს -მამუკა მდინარაძე

24 თებერვალი, 2021 , 17:40

განწყობაც და დამოკიდებულება ჩვენი არის, რომ დიალოგს ალტერნატივა არ აქვს და არ აქვს მოლაპარაკებას ალტერნატივა - ამის შესახებ „ქართული ოცნების“ თავმჯდომარემ, მამუკა მდინარაძემ განაცხადა. მისივე თქმით, ვისთვისაც

ვილაპარაკოთ საქმეზე, ქვეყნის ინტერესებზე და არა იმაზე, რა აწყობს „ნაცმოძრაობას“ - მამუკა მდინარაძე

24 თებერვალი, 2021 , 17:40

რიტორიკას არავინ ცვლის, პრინციპული დამოკიდებულებაა კანონთან და მის აღსრულებასთან დაკავშირებით და მეორე პრინციპული დამოკიდებულებაა, რომ ჩვენ ყველას ერთად გვაქვს ვალდებულება, ვილაპარაკოთ საერთო სახელმწიფოებრივ ინტერესებზე

ნიკა მელიას დაპატიმრება პოლიტიკურად არის მოტივირებული - Amnesty International

24 თებერვალი, 2021 , 17:40

დაპატიმრება პოლიტიკურად არის მოტივირებული, - ასე ეხმაინება საერთაშორისო ორგანიზაცია "Amnesty International"-ი "ნაციონალური მოძრაობის" თავმჯდომარის, ნიკა მელიას დაკავებას. ორგანიზაცია მომხდარს პოლიტიკური მართლმსაჯულების გ

პატიმრობა თავად მელიამ და პირველ რიგში მიხეილ სააკაშვილმა გადაწყვიტა - მამუკა მდინარაძე

24 თებერვალი, 2021 , 17:15

ოპოზიცია პარტნიორების განცხადებებში უსმენს, უყურებს და ტირაჟირებს მხოლოდ იმას, რაც მათ აწყობთ, რაც ორმაგი სტანდარტია, - ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა. &bdquo

ნიკა მელიას დაკავებამ გაამძაფრა დაძაბულობა, რაც არ იყო საჭირო და ამ ნაბიჯმა ასევე გააღრმავა კრიზისი - ევროსაბჭოს საპარლამენტო ასამბლეის თანამომხსენებლები

24 თებერვალი, 2021 , 17:15

ევროსაბჭოს საპარლამენტო ასამბლეის საქართველოს საკითხზე თანამომხსენებლები ტიტუს კორლაცეანი და კლოდ კერნი საქართველოში ბოლოდროინდელ მოვლენებთან დაკავშირებით შეშფთებას გამოთქვამენ. „იმ პირობებში, როდესაც არავინ უნდა დ

ჩვენ მუშაობას ვიწყებთ საერთაშორისო სანქციებზე ყველა იმ ადამიანის წინააღმდეგ, ვინც უშლის ხელს კანონის უზენაესობას და დემოკრატიას - ხატია დეკანოიძე

24 თებერვალი, 2021 , 14:40

ჩვენ მუშაობას ვიწყებთ საერთაშორისო სანქციებზე არა მხოლოდ მთავარი ოლიგარქის წინააღმდეგ, რომელზეც დიდი ხანია, ვმუშაობთ, არამედ ყველა იმ ადამიანის წინააღმდეგ, იმ პოლიციელების, მაღალჩინოსნების, პროკურორების, მოსამართლეების,