უკან

პოლიტიკა

21 აპრილი, 2017 13:35
font-size

საქართველო ევროსაბჭოს პოლიტიკურ დღის წესრიგში უნდა დარჩეს - ევროკავშირი

„ევროკავშირი მიესალმება „ საქართველოში კონფლიქტის შესახებ“ გენერალური მდივნის ტორბიორნ იაგლანდის მე-15 კონსოლიდირებული ანგარიშის გამოქვეყნებას და მიიჩნევს, რომ საქართველოში არსებული კონფლიქტის საკითხი ევროპის საბჭოს პოლიტიკურ დღის წესრიგში მომავალშიც უნდა შენარჩუნდეს“. - ამის შესახებ ევროკავშირის დელეგაციის მიერ გამოქვეყნებულ განცხადებაშია ნათქვამი.

განცხადებაში ხაზგასმითაა აღნიშნული კონფლიქტის მშვიდობიანი გზით გადაწყვეტისკენ მიმართული ძალისხმევისა და ნდობის აღდგენის ღონისძიებების მნიშვნელობა და ის როლი, რომელსაც ამ პროცესში ევროპის საბჭო, ჟენევის საერთაშორისო მოლაპარაკებათა თანათავმჯდომარეებთან ერთად ასრულებს, რაც „უნიკალურ შესაძლებლობას ქნის კონფლიქტის შედეგად გახლეჩილი საზოგადოების წევრთა გასაერთიანებლად“.

ამ კონტექსტში ევროკავშირი მიესალმება საქართველოს მთავრობის სამშვიდობო ინიციატივებსა და კონსტრუქციულ მიდგომებს, ასევე „იმ პროგრესს, რომელსაც საქართველოს მთავრობამ იძულებით გადაადგილებულ პირთა რეინტეგრაციისა და სოციალურ-ეკონომიკური მხარდაჭერის მიმართულებით მიაღწია“.

განცხადებაში ნათქვამია, რომ ევროკავშირი კვლავ მხარს დაუჭერს კონფლიქტის რეგიონებში ნდობის აღდგენის, თანამშრომლობისა და ჰუმანიტარული დახმარების ღონისძიებებს, რომლებიც საერთაშორისო და ადგილობრივი არასამთავრობო ორგანიზაციების ჩართულობით უნდა განხორციელდეს.

ევროკავშირი მტკიცე მხარდაჭერას გამოხატავს საერთაშორისოდ აღიარებული საზღვრების ფარგლებში საქართველოს ტერიტორიული მთლიანობისა და სუვერენიტეტის მიმართ და მკაცრად გმობს რუსეთის ფედერაციის ქმედებებს, კერძოდ ე.წ. შეთანხმებებს ცხინვალისა და აფხაზეთის ოკუპირებული რეგიონების უკანონო სამხედრო დაჯგუფებების რუსეთის ფედერაციის შეიარაღებული ძალების შემადგენლობაში შესვლის შესახებ, რაც, როგორც ევროკავშირის განცხადებაშია აღნიშნული, „აფერხებს რეგიონში უსაფრთხოების განმტკიცების ძალისხმევას, არღვევს საქართველოს სუვერენიტეტსა და ტერიტორიულ მთლიანობას და ეწინააღმდეგება როგორც საეთაშორისო სამართლის პრინციპებს, ისე რუსეთის მიერ ევროსაბჭოს ფარგლებში ნაკისრ საერთაშორისო ვალდებულებებს“.

ევროკავშირი ღრმა შეშფოთებას გამოთქვამს აფხაზეთისა და ცხინვალის ოკუპირებულ რეგიონებში ბოლო დროს განვითარებულ მოვლენებთან დაკავშირებით. განცხადებაში, კერძოდ, ნათქვამია, რომ ევროკავშირი არ აღიარებს 12 მარტს აფხაზეთის ოკუპირებულ რეგიონში ჩატარებულ ე.წ. საპარლამენტო არჩევნებს, ცხინვალის რეგიონში გამართულ ე.წ. საპრეზიდენტო არჩევნებს და ე.წ. რეფერენდუმს, რომელიც რეგიონის სახელის შეცვლას ისახავს მიზნად .

ევროკავშირი საქართველოში კონფლიქტების მშვიდობიანი გზით გადაწყვეტის მიმართ მტკიცე მხარდაჭერას ადასტურებს და რუსეთს ნაკისრი ვალდებულებების შესრულებისა და ყველა იმ დაბრკოლების აღმოფხვრისკენ მოუწოდებს, რომელიც ამ პროცესს ხელს უშლის.

საქართველო მზადაა გადაგას შემდგომი ნაბიჯები ნატოში გაწევრიანების გზაზე - მიხეილ ჯანელიძე

23 მაისი, 2018 , 21:45

საქართველოს ვიცე-პრემიერმა, საგარეო საქმეთა მინისტრმა მიხეილ ჯანელიძემ მონაწილეობა მიიღო საქართველო-აშშ-ის სტრატეგიული პარტნიორობის რიგით მეორე ყოველწლიურ კონფერენციაში, რომელიც საქართველოს დემოკრატიული რესპუბლიკის 100 წ

პრემიერ-მინისტრის მოწვევით, 26 მაისს საქართველოს ევროკომისიის პრეზიდენტი ეწვევა

23 მაისი, 2018 , 17:30

საქართველოს პრემიერ-მინისტრი გიორგი კვირიკაშვილი 26 მაისს, პირველი დემოკრატიული რესპუბლიკის დაარსების 100 წლის იუბილისადმი მიძღვნილ საზეიმო ღონისძიებებში მაღალი რანგის სტუმრებთან ერთად მიიღებს მონაწილეობას. მთავრობის მეთ

სპორტსმენებს ვთავაზობ ყველა პრობლემის მოგვარებას, თუმცა, ისინი უარს აცხადებენ და კვლავ დავით ქევხიშვილის გადადგომას მოითხოვენ - ცეზარ ჩოჩელი

23 მაისი, 2018 , 16:45

მე სპორტსმენებს ვთავაზობ ყველა პრობლემის მოგვარებას, მათ შორის, საყოფაცხოვრებო პირობებიდან დაწყებული, დამთავრებული სავარჯიშო პირობებით, თუმცა, ისინი უარს აცხადებენ და კვლავ დავით ქევხიშვილის გადადგომას მოითხოვენ, –

საქართველოს მხარე ძალიან საინტერესოდ და ძლიერად იყო წარმოდგენილი, რუსეთმა გაყალბებული უახლესი ისტორია აღწერა - ეკატერინე გასიტაშვილი

23 მაისი, 2018 , 16:45

საქართველოს უზენაესი სასამართლოს მოსამართლის, ეკატერინე გასიტაშვილის შეფასებით, სტრასბურგის სასამართლოში „საქართველო რუსეთის წინააღმდეგ“ საქმის ზეპირ მოსმენაზე საქართველო ძლიერად წარდგა, ხოლო რუსეთმა გაყალბებ

რუსეთის მტკიცებით, გორში მოკლული ჰოლანდიელი ჟურნალისტის, სტან სტორიმანსის სხეულში „ისკანდერის“ ნამსხვრევები განზრახ მოათავსეს - საქართველოს სახელმწიფოს ადვოკატი

23 მაისი, 2018 , 16:15

სტრასბურგის სასამართლოში საქმეზე „საქართველო რუსეთის წინააღმდეგ“ საქართველოს სახელმწიფოს ბრიტანელი ადვოკატის, ბენ ემერსონის თქმით, რუსეთი ამტკიცებს, რომ 12 აგვისტოს გორში „ისკანდერის“ ტიპის რაკეტა

შეუძლებელია, სასამართლომ მიიღოს სხვა გადაწყვეტილება - სოზარ სუბარი სტრასბურგის სასამართლოზე

23 მაისი, 2018 , 15:20

ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის, სოზარ სუბარის განცხადებით, სტრასბურგის სასამართლოს გადაწყვეტილება საქმეზე „საქართველო რუსეთის წინააღმდეგ“ უნდა აღი

ვიდეო გალერეა

ინტერვიუ ვანიჩკასთან - ნატო ჩხეიძე