უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
საქართველო ტრეფიკინგთან ბრძოლის მინიმალურ სტანდარტებს აკმაყოფილებს - აშშ-ის სახელმწიფო დეპარტამენტის 2017 წლის ანგარიში
აშშ-ის სახელმწიფო დეპარტამენტმა ტრეფიკინგის შესახებ 2017 წლის სპეციალური ანგარიში გამოაქვეყნა. საქართველო მოხვდა პირველ კალათაში, რაც იმას ნიშნავს, რომ ქვეყნის მთავრობა სრულად იცავს ტრეფიკინგთან ბრძოლის მინიმალურ სტანდარტებს.
ანგარიშში აღნიშნულია, რომ საქართველოს მთავრობა უზრუნველყოფს ტრეფიკინგისა და შრომითი ექსპლუატაციის მსხვერპლთა კომპლექსურ დახმარებას, ასევე ახორციელებს ამ მიმართულებით საზოგადოების ცნობიერების ამაღლების კამპანიებს.
დოკუმენტში ნათქვამია, რომ პირველ კალათაში განთავსების მიუხედავად, საქართველოს მთავრობას არ გაუზრდია საკანონმდებლო დონეზე ტრეფიკინგთან ბრძოლის მექანიზმები, ასევე არ გაუზრდია ძალისხმევა, რათა მოხდეს იმ ბავშვბეის იდენტიფიცირება, რომლებსაც ქუჩაში მათხოვრობასა და დანაშაულის ჩადენას აიძულებენ. ამერიკის სახელმწიფო დეპარტამენტი ურჩევს ქართულ მხარეს, იმუშაოს ამ მიმართულებით
გარდა ამისა, დოკუმენტში წერია, რომ საქართველო არის წყარო, სატრანზიტო და მიმართულების ქვეყანა როგორც ქალებისა და გოგონების სექსტრეფიკინგის, ასევე ქალების, კაცებისა და ბავშვების შრომითი ექსპლუატაციის. გამახვილებულია ყურადღება აჭარის რეგიონზე, რომლის ტურისტულ ადგილებში აზერბაიჯანიდან და ცენტრალური აზიიდან ჩამოსულ ქალებს იძულებითი პროსტიტუციით აკავებენ, ასევე საუნებში, სტრიპტიზ კლუბებში, კაზინოებსა და სასტუმროებში. საქართველო წარმოადგენს ტრანზიტულ ქვეყანას ცენტრალური აზიის ქალებისთვის, რომლებსაც ექსპლუატაციას უწევენ თურქეთში. საქართველოში მცხოვრები ქალები და გოგონები ხდებიან სექსტრეფიკინგის მსხვერპლნი როგორც თავად საქართველოში, ასევე მეზობელ თურქეთში, უფრო ნაკლებად ჩინეთსა და არაბთა გაერთიანებულ ემირატებში.
დოკუმენტის მიხედვით, ქართველი ქალები და კაცები არიან შრომითი ექსპლუატაციის მსხვერპლი საქართველოსა და თურქეთში, არაბთა გაერთიანებულ ემირატებში, ეგვიპტეში, კვიპროსსა და ერაყში.
საქართველოში ტრეფიკინგის მსხვერპლთა უმრავლესობას წარმოადგენენ სამსახურის მაძიებელი ახალგაზრდა უცხოელი ქალები.
ანა მებურიშვილი