უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
საზოგადოება
ისრაელიდან სიმსივნით დაავადებულმა 100-მდე ქალბატონმა საქართველო აირჩია
საქართველომ ისრაელიდან სიმსივნით დაავადებულ 100-მდე ქალბატონს უმასპინძლა. ისინი ქვეყანას ორგანიზაცია „შლუვოთის“ ინიციატივით ეწვივნენ. მათი სტუმრობის მიზანია, სიმსივნით დაავადებულმა ადამიანებმა ნახონ ახალი გარემო, მიიღონ მეტი სიხარული.
„შლუვოთმა“ საქართველო, ორგანიზაციის ერთ-ერთი დირექტორის რინათ მაროზისა და „ისრაელის სახლის“ ხელმძღვანელთან იციკ მოშესთან შეხვედრის შემდეგ შეარჩია.
„შლუვოთი“ (ახალი კავშირი ცხოვრებასთან“) ვოლონტიორი ორგანიზაციაა და სიმსივნით დაავადებულებს სთავაზობს უნიკალურ დასვენებას და განტვირთვას ისრაელის მასშტაბით. ორგანიზაციის ხელმძღვანელები მუშაობენ საერთაშორისო კავშირებზეც და ორგანიზებას უკეთებენ მოგზაურობებს.
შეხვედრები განკუთვნილია ყველასთვის, ვისაც ძალიან ჭირდება სიხარული და პოზიტიური მომენტები და ისინი ყოველთვის ნასიამოვნები და აღფრთოვანებულნი არიან ღონისძიებებით, სადაც ისმენენ სემინარებს, ლექციებს, სპექტაკლებს და სხვა. შეხვედრები იმართება უსასყიდლოდ. ეს ხშირად ერთადერთი ადგილია, სადაც ისინი მიდიან მკურნალობასთან და ყველა ფიზიკურ და ემოციურ სირთულესთან გამკლავების პერიოდში და სადაც თავს ყველაზე კომფორტულად გრძნობენ და იღებენ უზარმაზარ ჩართულობას, მხარდაჭერას და ახალ-ახალ კავშირებს.
„შლუვოთის“ 16-ვე ფილიალის მენეჯერი თავად უმკლავდება სიმსივნეს და თავის საქმეს ნებაყოფლობით აკეთებს.
საქართველოში მხიარულება და გართობა 5 დღე გრძელდებოდა. გარდა სხვადასხვა ღირსშესანიშნაობის მონახულებისა, მოეწყო წვეულებები, სემინარები, მიიღეს საინტერესო გამოცდილება, რაც ყველა მონაწილეს მისცემს პოზიტივს და მოტივაციას, გააგრძელოს ბრძოლა და გაიმარჯვოს.
მოგზაურობის ინიციატორები არიან შარონ კოენი, ასოციაციის აღმასრულებელი დირექტორი, რინატ ზოლტი - ვიცე-პრეზიდენტი და შარონ ეიტანი - ასოციაციის დამფუძნებელი, მენეჯერები: ირის ვერმოტი და სარიტ კოლანი.
„ისრაელის სახლთან“ თანამშრომლობით, ისრაელელი სტუმრებისთვის თბილისში მოეწყო ებრაული საღამო; ახალგაზრდა ქართველმა მომღერალმა ქრისტი ჯაფარიძემ შეასრულა რამდენიმე ებრაული სიმღერა; გადაეცათ „ბადაგონის“ მიერ ჩამოსხმული ქოშერი ღვინო.
ისრაელელი სტუმრებისთვის დაგეგმილი ღონისძიების ერთ-ერთი ორგანიზატორი იყო საქართველო-ისრაელის ბიზნესპალატის წევრი კომპანია GMI, რომელმაც უანგაროდ იმუშავა.
აღსანიშნავია რომ საქართველო-ისრაელის ბიზნესპალატა წლებია ზრუნავს საქართველოს ტურისტული პოტენციალის პოპულარიზაციაზე. მისი ხელმძღვანელის იციკ მოშეს ინიციატივით, 1999 წელს ისრაელში გაიხსნა საქართველოს ტურიზმის წარმომადგენლობა. ორგანიზაცია ტურიზმის პოპულარიზაციის მიზნით ამზადებს ტელეგადაცემებს, გამოსცემს წიგნებს და ხელს უწყობს ისრაელიდან საქართველოში ტურისტების მოზიდვას.
ორგანიზაციამ ისრაელში არაერთ პროფესიულ თუ სოციალურ ჯგუფს სხვადასხვა დროს გაუწია რეკომენდაცია საქართველოში ტურისტულ მოგზაურობაზე. მათ შორის იყვნენ შშმ პირებიც. ბიზნესპალატის პარტნიორი ორგანიზაცია, „ისრაელის სახლი“ (ხელმძღვანელი - იციკ მოშე) ევროსაბჭოს არსებული ებრაული კულტურული მემკვიდრეობის დაცვისა და ხელშეწყობის ევროპული ასოციაციის (AEPJ) ეგიდით, წლებია საქართველოში ახორციელებს ებრაული მემკვიდრეობის კულტურულ მარშრუტს, რომელში შემავალი ობიექტები უკვე იქცა ტურისტულ ატრაქციებაად. „ისრაელის სახლი“ საერთაშორისო შეხვედრებზე პოპულარიზაციას უკეთებს აღნიშნულ მარშრუტს.
ცოტა ხნის წინათ “ისრაელის სახლი“ გერმანიაში გამართულ ფორუმზე ბორდის წევრად აირჩიეს.