უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
საქართველოს ყველა კუთხეში ამ საკონსტიტუციო ცვლილების მიმართ ერთსულოვანი განწყობა იყო - ეკა ბესელია ქორწინების საკონსტიტუციო ჩანაწერზე
პარლამენტის იურიდიულ საკითხთა კომიტეტის თავმჯდომარე ეკა ბესელია კონსტიტუციაში ქორწინებასთან დაკავშირებულ ჩანაწერს ეხმაურება. მისი თქმით, ქორწინების განსაზღვრა, როგორც ქალისა და კაცის ერთობის, მოსახლეობასთან იყო შეთანხმებული საერთო-სახალხო განხილვების დროს.
„კონსტიტუციაში ქორწინების დეფინიციის განსაზღვრა იყო კონსტიტუციური ცვლილების პროექტი, რომელიც ინიცირებული იყო წინა პარლამენტშიც და ამას მოჰყვა საერთო-სახალხო განხილვა. ჩვენ თუ პატივს ვცემთ მოსახლეობასა და მის დამოკიდებულებას, პატივი უნდა ვცეთ იმ პროცესს, როდესაც საქართველოს ყველა კუთხეში, გარდა ოკუპირებული ტერიტორიისა, ჩავატარეთ საერთო-სახალხო განხილვა და ამ ცვლილების მიმართ იყო ერთსულოვანი განწყობა. მეორე მხრივ, ეს იყო ჩვენს საარჩევნო პროგრამაშიც. ამასთან, ეს ჩანაწერი არავის უფლებას არ ზღუდავს და არ აკნინებს და თუ ჩავხედოთ ადამიანის უფლებების და თავისუფლების ევროპული კონვენციის მე-12 მუხლში, სადაც საუბარი ქორწინებაზე, სწორედ ქალი და კაცი წერია. მე არა მგონია, რომ ჩვენ ამ ჩანაწერზე უარი უნდა ვთქვათ“, - განაცხადა საპარლამენტო უმრავლესობის წევრმა.
შეგახსენებთ, კონსტიტუციაში ქორწინების განსაზღვრის ინიციატივას ადამიანთა უფლებებზე მომუშავე არასამთავრობო ორგანიზაციები უარყოფითად აფასებენ. მათი განცხადებით, ის ჰომოფობიურ კონოტაციას შეიცავს და აძლიერებს ნეგატიურ დამოკიდებულებას ლგბტ-თემის წარმომადგენელთა მიმართ.
NGO-ების აზრით, ერთსქესიანთა პირების დაქორწინების უფლების უგულებელყოფა ადამიანის უფლებათა ევროპული სასამართლოს სტანდარტს ეწინააღმდეგება, რაც ქვეყნის იმიჯზე უარყოფითად აისახება.
ანა მებურიშვილი