უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
პოლიტიკა
საქართველოს მთავრობა აკეთებს ყველაფერს, რომ უმოკლეს დროში იყოს ცხედარი გადმოსვენებული - პრემიერი ტატუნაშვილის ოჯახს შეხვდა
საქართველოს პრემიერ-მინისტრი გიორგი კვირიკაშვილი წილკანში არჩილ ტატუნაშვილის ოჯახს შეხვდა. პრემიერმა ოჯახს მიუსამძიმრა და ინფორმაცია მიაწოდა, რა ნაბიჯებს დგამს ქართული მხარე ტატუნაშვილის საქმეში.
პრემიერის შეფასებით, ტატუნაშვილის დაღუპვა იყო მიმართული იმისკენ, რათა ხელი შეეშალა აფხაზებთან და ოსებთან არსებული კონფლიქტის მოგვარებას.
„სამძიმარი ვუთხარი ოჯახს, ჩამოვედი და მივაწოდე ინფორმაცია, რა ნაბიჯებს ვდგამთ.
საქართველოს მთავრობა, ხელისუფლება ახორციელებს ყველაფერს, რაც ჩვენს ხელთ არის, ყველა ინსტრუმენტს ვიყენებთ იმისთვის, რომ უმოკლეს დროში იყოს ცხედარი გადმოსვენებული.
ერთი რამ უნდა ითქვას, რომ რაც მოხდა, ეს არის უდიდესი ტრაგედია და არის ძალიან ვერაგული ქმედება ქართველი, ოსი და აფხაზი ხალხის წინააღმდეგ. ყველაფერი არის გამიზნული იმისათვის, რომ ის ნაბიჯები, რომლებსაც ჩვენ ვდგამდით, იყოს დისკრედიტებული.
საქართველოს მთავრობა თანმიმდევრულად გააგრძელებს იმ პოლიტიკას, რასაც დღემდე ვახორციელებდით, რისი შედეგიც იქნება ჩვენი ქვეყნის გამთლიანება, ამას წინ ვერაფერი დაუდგება ნამდვილად და დამნაშავეები აუცილებლად დაისჯებიან , ეს არის ჩემი სიტყვა“,- თქვა პრემიერ-მინისტრმა შეხვედრის დასრულების შემდეგ.
საოკუპაციო ძალებმა არჩილ ტატუნაშვილი ლევან ქუტაშვილთან და იოსებ პავლიაშვილთან ერთად 22 თებერვალს, ახალგორში დააკავეს. მომდევნო დღეს ოსურმა მედიამ გაავრცელა ინფორმაცია ტატუნაშვილის დაღუპვის შესახებ. ქართული მხარის მოთხოვნის მიუხედავად, დაღუპულის ცხედრის გადაცემა თბილისისთვის ამ დრომდე არ მომხდარა.
ანა მებურიშვილი