უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
საზოგადოება
საქართველოს პარლამენტმა ,,გარემოსდაცვითი შეფასების კოდექსი“ მესამე მოსმენით მიიღო
გარემოსა და ბუნებრივი რესურსების დაცვის სამინისტრომ საერთაშორისო და ადგილობრივი ექსპერტების მონაწილეობით ,,გარემოსდაცვითი შეფასების კოდექსი“ შეიმუშავა, რომელიც პარლამენტმა მესამე მოსმენით მიიღო.
კანონპროექტი ინიცირებული იქნა საქართველოსა და ევროკავშირს შორის დადებული ასოცირების ხელშეკრულებიდან გამომდინარე, რომლის შესაბამისად ქვეყანამ ევროკანონმდებლობასთან ჰარმონიზების ვალდებულება აიღო.
გარემოს დაცვის მიმართულებით უმნიშვნელოვანესია ქვეყანაში სწორი გარემოსდაცვითი მმართველობის ჩამოყალიბება და გარემოზე ზემოქმედების შეფასების სისტემის სრულყოფა.
როგორც გარემოსა და ბუნებრივი რესურსების დაცვის სამინისტროში განმარტავენ, მიღებული კოდექსი გარემოსდაცვითი შეფასების საკითხებს სრულიად ახლებურად არეგულირებს, კერძოდ:
გარემოსდაცვითი გადაწყვეტილება, რომელმაც ჩაანაცვლა გარემოზე ზემოქმედების ნებართვა, გამოეყო მშენებლობის ნებართვას, თუმცა, ამავდროულად, საქმიანობის განმახორციელებელს მიენიჭა უფლება პარალელურ რეჟიმში გაიაროს მშენებლობის ნებართვის პროცედურები.
გაიზარდა გარემოზე ზემოქმედების შეფასებას დაქვემდებარებული საქმიანობები და განხორციელედა მათი რანჟირება მასშტაბებისა და ზემოქმედების ხარისხის მიხედვით;
შემოღებულ იქნა სკრინინგის პროცედურა, რაც შესაძლებლობას მისცემს საქმიანობის განმახორციელებელს დროულად აღიქვას პროექტის განხორციელებასთან დაკავშირებული რისკები.
დაინერგა სკოპინგის პროცედურა, რომელიც განსაზღვრავს გარემოზე ზემოქმედების შეფასების ან სტრატეგიული გარემოსდაცვითი შეფასებისათვის მოსაპოვებელი და შესასწავლი ინფორმაციის ჩამონათვალს და აღნიშნული ინფორმაციის გზშ-ის ან სტრატეგიული გარემოსდაცვითი შეფასების ანგარიშში ასახვის საშუალებებს.
ჩამოყალიბდა გადაწყვეტილების მიღების პროცესში საზოგადოების მონაწილეობის ეფექტიანი მექანიზმები, რაც უზრუნველყოფს საზოგადოების ჩართულობის მაღალ სტანდარტებს, გადაწყვეტილების მიღების ყველა ეტაპზე. ამასთანავე, დაგეგმილი საქმიანობის შესახებ ინფორმაციის გასაჯაროებისა და გადაწყვეტილების მიღების პროცესში საზოგადოების მონაწილეობის უზრუნველყოფის ვალდებულება საქმიანობის განმახორციელებლის ნაცვლად დაეკისრა სამინისტროს, რაც გაზრდის საზოგადოების ჩართულობის ეფექტიანობას და შეამცირებს საქმიანობის განმახორციელებლის ხარჯებს;
დაინერგა სტრატეგიული გარემოსდაცვითი შეფასების სიტემა, რომელიც უზრუნველყოფს სხვადასხვა სექტორების დაგეგმარების პროცესში გარემოსდაცვითი, სოციალური და ჯანდაცვის ასპექტების გათვალისწინებას;
შემოღებულ იქნა ტრანსსასაზღვრო გარემოზე ზემოქმედების შეფასების პროცედურა, რაც გულისხმობს პროექტის განმახორციელებელ და მოსალოდნელ ზემოქმედებას დაქვემდებარებულ სახელმწიფოს შორის კომუნიკაციას და კონსულტაციებს და უზრუნველყოფს ქვეყნებს შორის თანამშრომლობის გაძლიერებას.
კოდექსი სრულად ჰარმონიზებულია ევროკავშირის შესაბამის დირექტივებთან, აგრეთვე მაქსიმალურად არის მორგებული ქვეყნის საკანონმდებლო სივრცესა და რეალობას. -აცხადებენ გარემოსა და ბუნებრივი რესურსების დაცვის სამინისტროში.