უკან

უახლესი ამბები

დღის კალენდარი

ანონსები

არქივი

პოლიტიკა

6 დეკემბერი, 2016 18:45
font-size

საქართველოს პრეზიდენტი პარიზში „პარტნიორობა ღია მმართველობის მეოთხე გლობალური სამიტის`` მუშაობაში მიიღებს მონაწილეობას

პრეზიდენტი გიორგი მარგველაშვილი სამუშაო ვიზიტით საფრანგეთს ეწვევა და „პარტნიორობა ღია მმართველობის მეოთხე გლობალური სამიტის'' მუშაობაში მიიღებს მონაწილეობას, რომლის თანათავმჯდომარეც საქართველოა. 2017 წლიდან კი, საქართველო OGP -ის თავმჯდომარე ქვეყანა ხდება და სამიტი მომავალ წელს თბილისში ჩატარდება.

სამიტში, რომელიც 7-9 დეკემბერს პარიზში ჩატარდება, 70 ქვეყნის 3000 წარმომადგენელი მონაწილეობს.

„ღია მმართველობის პარტნიორობის (OGP) სამიტზე“ საქართველოს პრეზიდენტი სიტყვით გამოვა. გიორგი მარგველაშვილი სამიტის მონაწილე პარტნიორებს მიმართავს და ღია მმართველობის განსახორციელებლად საქართველოს მიერ მიღწეულ შედეგებზე ისაუბრებს.

საფრანგეთის დედაქალაქში, სახელმწიფოების მეთაურები, მთავრობების წარმომადგენლები, საჯარო მოხელეები, პარლამენტის წევრები, ადგილობრივი ხელისუფლების, სამოქალაქო საზოგადოების წარმომადგენლები, მკვლევარები და ჟურნალისტები გლობალური გამოწვევების ფონზე „ღია მმართველობის დღის წესრიგთან“ დაკავშირებით, გამოცდილების გასაზიარებლად შეიკრიბებიან.

საქართველოდან „ღია მმართველობის პარტნიორობის (OGP) სამიტს'' აღმასრულებელი, საკანონმდებლო, დედაქალაქის თვითმმართველობის და არასამთავრობო სექტორის წარმომადგენლები დაესწრებიან.

პრეზიდენტის პრესსამსახურის ცნობით, სამიტის მონაწილეები განიხილავენ გამჭვირვალობის, ანტიკორუფციულ და კლიმატის საკითხებს და ასევე, მდგრადი განვითარების, ციფრული და სამოქალაქო ტექნოლოგიების, ინფორმაციის ხელმისაწვდომობის და ღია მმართველობის დანერგვის საკითხებს.

სამიტის მონაწილეები 300-ზე მეტ პანელზე და სემინარზე გაცვლიან გამოცდილებას და მოაწყობენ ღია მმართველობის იმ შემთხვევების პრეზენტაციებს, რომლებმაც მოქალაქეთა ცხოვრებაზე დადებითი გავლენა იქონია.

გიორგი მარგველაშვილი საფრანგეთში სამუშაო ვიზიტის ფარგლებში შეხვედრებს გამართავს სხვადასხვა ქვეყნების ლიდერებთან და საერთაშორისო, არასამთავრობო სექტორის წარმომადგენლებთან. მათ შორის, შეხვდება საფრანგეთის რესპუბლიკის პარლამენტის ასამბლეის თავმჯდომარეს კლოდ ბარტოლონეს, ეწვევა საფრანგეთის აღმოსავლურ ენათა და კულტურათა ეროვნულ ინსტიტუტს და ქართული ენის კათედრაზე სტუდენტებს შეხვდება.

საქართველო დემოკრატიული და ეკონომიკური ტრანსფორმაციის ბრწყინვალე მაგალითია - მამუკა ბახტაძე

26 სექტემბერი, 2018 , 12:20

საქართველოს მთავრობა იქნება პირველი, ვინც მაღალი ეთიკური სტანდარტების მქონე ბიზნესის ფილოსოფიას დანერგავს, - ინტერესთა გამოხატვის დოკუმენტი ამ თემაზე ნიუ-იორკში საქართველოს პრემიერ-მინისტრ მამუკა ბახტაძის ვიზიტის ფარგლებ

საქართველოს პრემიერ-მინისტრმა და არაბთა გაერთიანებული საემიროების საგარეო საქმეთა მინისტრმა ორმხრივი ეკონომიკური თანამშრომლობის გააქტიურებაზე ისაუბრეს

26 სექტემბერი, 2018 , 12:20

ეკონომიკური ურთიერთობების კიდევ უფრო გააქტიურებასა და მრავალმხრივ ფორმატებში თანამშრომლობის გაღრმავებაზე ისაუბრეს საქართველოს პრემიერ-მინისტრმა და არაბთა გაერთიანებული საემიროების საგარეო საქმეთა და საერთაშორისო თანამშრო

დავით ზალკალიანმა ლიბიელ კოლეგასთან ლიბიაში დაკავებული ქართველი მეზღვაურების საკითხი განიხილა

26 სექტემბერი, 2018 , 11:00

საქართველოს საგარეო საქმეთა მინისტრი დავით ზალკალიანი გაერო-ს გენერალური ასამბლეის ფარგლებში ლიბიელ კოლეგას შეხვდა, – ამის შესახებ ინფორმაციას საქართველოს საგარეო საქმეთა სამინისტროს პრესსამსახური ავრცელებს. უწყები

ფინანსთა მინისტრი ივანე მაჭავარიანი ევროკავშირის ელჩს შეხვდა

25 სექტემბერი, 2018 , 15:45

ფინანსთა მინისტრი ივანე მაჭავარიანი ევროკავშირის ელჩს საქართველოში, კარლ ჰარცელს შეხვდა, რომელმაც ქვეყანაში დიპლომატიური საქმიანობა მიმდინარე წლის სექტემბერში დაიწყო. გაცნობითი ხასიათის შეხვედრაზე, ივანე მაჭავარიანმა სტუ

საქართველოს საგარეო საქმეთა მინისტრმა შეხვედრა გამართა SICA-ს გენერალურ მდივანთან

25 სექტემბერი, 2018 , 15:45

გაერო-ს გენერალური ასამბლეის ფარგლებში საქართველოს საგარეო საქმეთა მინისტრმა დავით ზალკალიანმა შეხვედრა გამართა ცენტრალური ამერიკის ინტეგრაციის სისტემის (SICA) გენერალურ მდივანთან ვინისიო სერესო ანევალოსთან. მხარეებმა გა

საგარეო საქმეთა მინისტრების მონაწილეობით გაეროს გენერალური ასამბლეის 73-ე სესიის ფარგლებში სუამი-იაპონიის მინისტერიალი გაიმართა

25 სექტემბერი, 2018 , 15:45

გაერო-ს გენერალური ასამბლეის 73-ე სესიის ფარგლებში ნიუ-იორკში საგარეო საქმეთა მინისტრების მონაწილეობით გაიმართა სუამი-იაპონიის მინისტერიალი. შეხვედრაზე სიტყვით გამოვიდნენ იაპონიის საგარეო საქმეთა მინისტრი ტარო კონო, აზერ

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`