უკან

საზოგადოება

2 ივლისი, 2020 17:00
font-size

საქართველოს ტექნიკური უნივერსიტეტის დოქტორანტმა ესეების კონკურსში პირველი ადგილი დაიკავა

საქართველოს ტექნიკური უნივერსიტეტის დოქტორანტი მარიამ ინაიშვილი კამპანია - „ასოცირების 6 წელი საქართველოსთვის“ მიერ გამოცხადებული ესეებისა და კვლევის საპროექტო წინადადებების კონკურსის გამარჯვებული გახდა. სტუ-ის ინფორმატიკისა და მართვის სისტემების ფაკულტეტის ინფორმატიკის სადოქტორო პროგრამის მე-2 კურსის სტუდენტის საკონკურსო თემამ - „COVID-19-ის შესაძლო გავლენა ევროკავშირსა და საქართველოს ურთიერთობებსა და ასოცირების შესახებ შეთანხმების შესრულებაზე“, კონკურსზე პირველი ადგილი დაიკავა.

საქართველოს ტექნიკური უნივერსიტეტის საზოგადოებასთან ურთიერთობის დეპარტამენტის ცნობით, გამარჯვებულს სერტიფიკატთან ერთად ფულადი ჯილდო, 500 ევრო გადაეცა.

როგორც საქართველოს ტექნიკური უნივერსიტეტის დოქტორანტი აღნიშნავს, კონკურსში გამარჯვება მისთვის დამატებითი მოტივაცია და სტიმული იქნება, რომ მსგავს კონკურსებში, საქართველოს ტექნიკური უნივერსიტეტის სახელით, მომავალშიც მიიღოს მონაწილეობა.

„როდესაც ჩემს სახელს აცხადებდნენ, სიხარული ვიგრძენი და საკუთარი შესაძლებლობები კიდევ უფრო მეტად ვირწმუნე. სწორედ ეს ემოცია მჭირდებოდა მომავალი სტიმულისთვის. შემდეგისთვის უფრო მეტად მონდომებული ვიქნები, რომ მივიღო მონაწილეობა მსგავს პროექტებში და ტექნიკური უნივერსიტეტი წარმოვაჩინო. კონკურსში გამარჯვება ჩემი ხელმძღვანელისთვისაც სასიხარულო იყო - ის ჩემთან ერთად ბევრს მუშაობს და მხარს მიჭერს“, - ამბობს მარიამ ინაიშვილი.

პროექტში საქართველოს 15 უნივერსიტეტი მონაწილეობდა და წარმოდგენილი იყო 100 პროექტი. კონკურის გამარჯვებულთა დაჯილდოების ცერემონია საქართველოს პარლამენტის შენობაში შედგა. ღონისძიება ევროკავშირსა და საქართველოს შორის ასოცირების შესახებ შეთანხმების ხელმოწერიდან 6 წლის აღსანიშნავად, ევროკავშირსა და საქართველოს შორის ასოცირების შესახებ შეთანხმების განხორციელების პროექტისა (AA Facility) და კონრად ადენაუერის ფონდის მხარდაჭერით გაიმართა. ესეებისა და კვლევის საპროექტო წინადადებების კონკურსები, ევროკავშირსა და საქართველოს შორის ასოცირების შესახებ შეთანხმების განხორციელების პროექტის მხარდაჭერით, 2020 წლის მაისში დაიწყო.

სტუ-ს ინფორმაციით, კონკურსის ჩატარების მიზანი საზოგადოების ცნობიერების ამაღლება და მისი საქართველოს ევროპული ინტეგრაციითა და ასოცირების შეთანხმების განხორციელების მიღწევებითა და გამოწვევებით დაინტერესება იყო.

„მარიამ ინაიშვილმა დოქტორანტურაში ჩაბარებამდე სტუ-ის სატრანპორტო და მანქანათმშენებლობის ფაკულტეტის ტრანსპორტის საბაკალავრო და ლოგისტიკის სამაგისტრო პროგრამები დაამთავრა, ამჟამად ინფორმატიკის სპეციალობას ეუფლება, პარალელურად კომპანია „სქაი ლოჯისტიქსში“ ლოგისტიკის მენეჯერად მუშაობს და უკვე მეორე შვილს ელოდება. კონკურსის შესახებ ინფორმაცია მან საქართველოს ტექნიკური უნივერსიტეტის ვებგვერდიდან შეიტყო და დატვირთული გრაფიკის მიუხედავად, საკონკურსო თემაზე მუშაობა გადაწყვიტა. სტუ-ის 28 წლის დოქტორანტმა საკონკურსო ნაშრომში დეტალურად ასახა ის პრობლემები, რაც მის კომპანიაში პანდემიის პერიოდში წარმოიშვა“, - აცხადებენ სტუ-ში.

„საკონკურსო თემა ჩემი საქმიანობიდან გამომდინარე შევარჩიე და შესაბამისი კვლევა წარვადგინე. პანდემიის აქტუალურობიდან გამომდინარე, ჩემი სადოქტორო ნაშრომიც და სამუშაო სფეროც ლოგისტიკას უკავშირდება. პანდემიის დროს მიწევდა მუშაობა და უშუალოდ შეხება იმ პრობლემებთან, რაც Covid-19 -მა გამოიწვია. პანდემიამ, რომელმაც მთელი მსოფლიო მოიცვა და შექმნა სოციალურ-ეკონომიკური კრიზისი, რა თქმა უნდა, დიდი გავლენა იქონია ლოგისტიკისა და ტრანსპორტის სფეროზეც. შესაბამისად, ჩავთვალე, რომ თუ პროექტს ამ კუთხით გავაკეთებდი ის აუცილებლად გაიმარჯვებდა, რადგან ტრანსპორტი მნიშვნელოვანი დარგია ქვეყნისთვის და მისი ეფექტურად მართვა მნიშვნელოვნად დამოკიდებულია ქვეყნის ეკონომიკური პოტენციალის გაზრდაზე“, - აღნიშნავს მარიამ ინაიშვილი და დეტალურად იხსენებს, თუ რა საკითხები განიხილა საკონკურსოდ წარდგენილ ნაშრომში.

„პროექტის შესაქმნელად რამდენიმე დღე დამჭირდა. ძირითადი ინფორმაცია სწორედ იმ სამუშაო პროცესიდან გამოვიყენე, რაშიც უშუალო მონაწილეობას ვიღებდი. რეალურად ვხედავდი, თუ რა ხდებოდა ტრანსპორტის სფეროში, რა ცვლილებებს განიცდიდა საჰაერო, სახმელეთო, სარკინიგზო და საზღვაო ტრანსპორტი. ამასთანავე, ზუსტი ინფორმაცია მქონდა იმ პრობლემების შესახებ, რაც სასაზღვრო და საბაჟო სექტორში მიმდინარეობდა. პროექტში ასევე გამოყენებული, მქონდა 2019 -2020 წლის საგარეო ვაჭრობის პირველი კვარტლის სტატისტიკური მონაცემები, რაც ხელმისაწვდომი იყო საქართველოს ეკონომიკისა და სტატისტიკის ეროვნული სამსახურის ოფიციალურ ვებგვერდზე. არსებული მონაცემებითა და პანდემიით შექმნილი სიტუაციის ხედვიდან გამომდინარე, შევიმუშავე მომავლის პროგნოზები, განვიხილე მომავლის ის ხედვები და მეთოდები, რომელიც დაგვეხმარება ევროპასთან მომავალი ურთიერთობის მეტად გაღრმავებაში“, - განმარტავს სტუ-ის დოქტორანტი.

1 აშშ დოლარის ოფიციალური ღირებულება 3.0739 ლარი გახდა

5 აგვისტო, 2020 , 17:35

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.0739 ლარი შეადგინა. კურსი, რომელიც დღეს მოქმედებდა, 3.0729 ლარი იყო. შესაბამისად, დოლარის ცვლილებამ ეროვნულ

ნინო ლომჯარია გამოთქვამს მზადყოფნას, მინიჭებული მანდატის ფარგლებში დაეხმაროს თამარ ბაჩალიაშვილის ოჯახს

5 აგვისტო, 2020 , 17:10

საქართველოს სახალხო დამცველი ნინო ლომჯარია გამოთქვამს მზადყოფნას, მინიჭებული მანდატის ფარგლებში დახმარება აღმოუჩინოს გარდაცვლილი პროგრამისტის, თამარ ბაჩალიაშვილის ოჯახს. როგორც ნინო ლომჯარიამ მედიასთან განმარტა, სახალხო

ევროკავშირი და FAO სასოფლო-სამეურნეო გრანტების პროგრამის მესამე ეტაპს იწყებენ

5 აგვისტო, 2020 , 17:10

გაეროს სურსათისა და სოფლის მეურნეობის ორგანიზაცია (FAO), ევროკავშირის (EU) მიერ დაფინანსებული სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ფარგლებში, სასოფლო-სამეურნეო ინიციატივების

სვანეთში დაკარგული მოზარდის საძიებო სამუშაოები უწყვეტ რეჟიმში გრძელდება - შსს

5 აგვისტო, 2020 , 16:55

შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველები უწყვეტ რეჟიმში განაგრძობენ სვანეთში, მესტიის მუნიციპალიტეტის სოფელ ლენჯერიდან გაუჩინარებული მოზარდის, ილია ფილფანის საძიებო სამუშაოე

გავეცანით გარკვეულ ჩვენებებს, გარკვეული პიროვნებების ჩვენებები წავიკითხეთ, რამაც კიდევ უფრო მეტი კითხვის ნიშნები გააჩინა - მიხეილ რამიშვილი

5 აგვისტო, 2020 , 16:55

23 წლის გარდაცვლილი პროგრამისტის, თამარ ბაჩალიაშვილი დედა თეონა თამაზაშვილი აცხადებს, რომ შსს-ში შეხვედრაზე მისი შვილის საქმის გარკვეული მასალები გააცნეს. „გავეცანი დაკითხვის ოქმებს, ყველა მხრივ მიმდინარეობს მუშაობ

ბაჩანა ლობჟანიძე, რომელიც ამტკიცებს, რომ თამარ ბაჩალიაშვილის ახლო მეგობარი იყო, მის დაღუპვას კომპანია ZAG-ს უკავშირებს

5 აგვისტო, 2020 , 16:10

მამაკაცი, რომელიც ამტკიცებს, რომ თამარ ბაჩალიაშვილის ახლო მეგობარი იყო, 23 წლის პროგრამისტის ბუნდოვან ვითარებაში გარდაცვალებას მის სამსახურს, კომპანია "ZAG"-ს უკავშირებს. ბაჩანა ლობჟანიძის თქმით, კომპანია გასაიდუმლოებულ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე