უკან
პოლიტიკა
12 ივლისი, 2018 16:15
საქართველოს წარმომადგენლებმა ნატო-ს სამიტის ყველა მონაწილეზე კარგი შთაბეჭდილება მოახდინეს - დონალდ ტრამპი
საქართველოს წარმომადგენლებმა ნატო-ს სამიტის ყველა მონაწილეზე კარგი შთაბეჭდილება მოახდინეს, - განაცხადა აშშ-ს პრეზიდენტმა დონალდ ტრამპმა ბრიუსელში.
ამერიკის შეერთებული შტატების ლიდერის ციტატას და ფოტოებს საქართველოს პრეზიდენტის ადმინისტრაციის საზოგადოებასთან ურთიერთობის სამსახურის წარმომადგენელი ავრცელებს.
შეგახსენებთ, რომ დღესვე საქართველოს პრეზიდენტი გიორგი მარგველაშვილი ამერიკელ კოლეგას დონალდ ტრამპს შეხვდა.
ორი ქვეყნის ლიდერების ხანმოკლე კომუნიკაცია ნატოს ბრუსელის სამიტზე სამმხრივი შეხვედრის ფორმატში შედგა, სადაც საქართველოს და უკრაინის პრეზიდენტები მონაწილეობდნენ.
ეს იყო გიორგი მარგველაშვილის პირველი შეხვედრა აშშ-ის პრეზიდენტთან.