უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
არქივი
საზოგადოება
საქართველოში ვაქცინები არის უფასო ყველასთვის და არის უმაღლესი ხარისხის, რაც კი შეიძლება იყოს მსოფლიოში - პაატა იმნაძე
დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო ხელმძღვანელის, პაატა იმნაძის განცხადებით, ვაქცინაცია საქართველოში სრულიად უსაფრთხოა და ყველასთვის უფასოა.
„მინდა პასუხი გავცე ახალ ჭორებს. საქართველოში ვაქცინა არის უფასო არა მარტო სოციალურად დაუცველი ფენებისთვის, არამედ ყველასთვის. ეს ვაქცინები არის უმაღლესი ხარისხის, რაც კი შეიძლება იყოს მსოფლიოში. აბსოლუტური უმრავლესობა ამ ვაქცინებში არის ის, რომელიც გამოიყენება ევროკავშირის ქვეყნებში. ხარისხთან დაკავშირებით რაღაც ინსინუაციები მიუღებელია. საქართველოში დღეს რაც გამოიყენება, ვაქცინების უმეტესობა არის ერთ ან ორდოზიანი დაფასოების. 90-იანი წლებიდან მოყოლებული არ ყოფილა შემთხვევა, რომ აცრის შემდგომ რაიმე ინფექცია დამართნოდა ნებისმიერ აცრილს. არასდროს ქართულ პოლიტიკაში ჩართულ ადამიანებს ამ საკითხებზე არ ჰქონიათ ორი სხვადასხვა შეხედულება. მთელი ეს წლები ისე გამოიარა საქართველომ, რომ არცერთ პოლიტიკურ ძალას არ გამოუყენებია ეს საკითხი, რადგან ყველას აქვს შეგნებული, თუ რამდენად მნიშვნელოვანია საქართველოში იმუნიზაციის პრობლემები“,- განაცხადა იმნაძემ.
მისივე თქმით, აცრები სავალდებულო ხდება და ეს ჩანაწერი შესაბამის კანონში იქნება ასახული, თუმცა აღნიშნული ვალდებულების დარღვევა რაიმე სანქციას არ გამოიწვევს. მისივე თქმით, ჯანდაცვის კომიტეტი მუშაობს საკითხზე, რომ აცრების ჩანაწერის ნაწილში გაჩნდეს სიტყვა „სავალდებულო“.
„ის, რაც ახლა პარლამენტში განიხილება, არ მოიცავს არავითარ სანქციას. უბრალოდ, იცვლება ჩანაწერი და ვაქცინაციას დაემატება სიტყვა „ვაქცინაცია“. მეტზე მსჯელობა არ მიმდინარეობს. საუბარია ბავშვთა გეგმიურ აცრებზე. ჩატარდა კვლევები, რომლის მიხედვითაც, ბევრი მშობელი ექიმთან საუბრისას ამბობს, ეს რომ სავალდებულო იყოს, ხომ იქნებოდა ეს ჩანაწერიო. ამიტომ დაიწყო ჯანდაცვის კომიტეტმა ამ საკითხზე მუშაობა და ჩანაწერის შეცვლა",- აღნიშნა იმნაძემ.