პოლიტიკა

საქართველოს პრეზიდენტს თუ კონსტიტუცია არ აქვს, მე შემიძლია ვაჩუქო და წაიკითხოს თავის ფუნქციები - გურამ მაჭარაშვილი

საპარლამენტო უმრავლესობის წევრი, გურამ მაჭარაშვილი ამჯერად პრეზიდენტს აკრიტიკებს და ამბობს, რომ სალომე ზურაბიშვილმა კონსტიტუციაში უნდა წაიკითხოს რა არის მისი ფუნქციები.

მაჭარაშვილის აზრით, ქართველ ხალხს ის არ აურჩევია იმისთვის, რომ საგარეო ან საშინაო პოლიტიკა გაატაროს.

„საქართველოს პრეზიდენტს თუ კონსტიტუცია არ აქვს, მე შემიძლია ვაჩუქო და წაიკითხოს თავის ფუნქციები. რომ წაიკითხავს ნახავს, რომ არ მართავს ქვეყანას და ქართველ ხალხს არ აურჩევია ის იმისთვის, რომ საგარეო და საშინაო პოლიტიკა გაატაროს. თუ არ შეუძლია საქართველოს სასარგებლო განცხადება გააკეთოს, საწინააღმდეგოს მაინც ნუ გააკეთებს. ჩვენ ბევრ ვინმეს დავუჭირეთ მხარი, ამას ვაღიარებ, მაგრამ ზოგიერთმა მათგანმა მოახერხა ის, რომ უცხო ქვეყანაში სხვა ძალებთან გააბა კავშირი და ანტიქართული ინტერესების გატარება დაიწყო,"- განაცხადა მაჭარაშვილმა.

ცნობისთვის - საქართველოს პრეზიდენტი სალომე ზურაბიშვილი აცხადებს, რომ ანტიკონსტიტუციურად უნდა გამოცხადდეს და აიკრძალოს ყველა იმ პოლიტიკური პარტიის საქმიანობა, რომელიც ეწინააღმდეგება კონსტიტუციის პრინციპებს, ქვეყნისა და მოსახლეობის მიერ არჩეულ გზას.