უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
საქართველოსთვის განსაკუთრებით მნიშვნელოვანია, DCFTA-ისგან მაქსიმალური სარგებელი მიიღოს - გიორგი კვირიკაშვილი
დღეს გაიმართა ვებპორტალის, DCFTA.GOV.GE-ის პრეზენტაცია, რომელიც ემსახურება ინფორმაციის მიწოდებას საქართველოსა და ევროკავშირს შორის გაფორმებული თავისუფალი სავაჭრო სივრცის (DCFTA) ასოცირების შეთანხმების შესახებ.
საქართველოს პრემიერ-მინისტრის, გიორგი კვირიკაშვილის განცხადებით, საქართველოსთვის მნიშვნელოვანია, მაქსიმალური სარგებელი მიიღოს DCFTA-სგან, რაზეც მუშაობა მიმდინარეობს.
„მინდა აღვნიშნო, რომ საქართველოსთვის განსაკუთრებით მნიშვნელოვანია DCFTA-ის ეფექტიანი იმპლემენტაცია იმისათვის, რომ მაქსიმალური სარგებელი მივიღოთ ამ კუთხით. მთავრობა აქტიურად ახორციელებს იმ რეფორმებს, რომელიც DCFTA-ით არის გათვალისწინებული. ეს ეხება როგორც სახელმწიფო ინსტიტუტების გაძლიერებას, ისე საქართველოს კანონმდებლობის ევროკავშირის კანონმდებლობასთან ეტაპობრივ დაახლოებას. ასევე ეხება ქართველი მეწარმეების მხარდაჭერას სხვადასხვა სახელმწიფო ინსტრუმენტების საშუალებით, რათა მათ შეძლონ ევროპული რეგულაციების დანერგვა და ევროპული სტანდარტების შესაბამისი კონკურენტუნარიანი პროდუქციის წარმოება როგორც ადგილობრივი, ისე მსოფლიო ბაზრებისთვის“, - განაცხადა კვირიკაშვილმა.
პრემიერ-მინისტრმა იმედი გამოთქვა, რომ DCFTA.GOV.GE ხელს შეუწყობს საზოგადოების მეტ ჩართულობას რეფორმების პროცესში.
„იმედი მაქვს, რომ ეს ვებ-გვერდი ხელს შეუწყობს საზოგადოების მაქსიმალურ ჩართულობას რეფორმების განხორცილების პროცესში, რაც ძალიან მნიშვნელოვანია გამჭვირვალობის უზრუნველყოფის კუთხითაც“, - თქვა პრემიერ-მინისტრმა.
კვირიკაშვილმა ყურადღება გაამახვილა იმ პოტენციალზე, რაც ევროკავშირთან ეკონომიკური ინტეგრაციის პროცესს მოაქვს
„ეს არის ეკონომიკური სტაბილურობა და კონკურენტუნარიანი ბიზნესგარემო; მზარდი საინვესტიციო და საექსპორტო პოტენციალი, ახალი ინიციატივები რეგიონალური და ინფრასტრუქტურული განვითარებისთვის; მზარდი ტურისტული პოტენციალი; გაუმჯობესებული და პროფესიული, კვალიფიციური კადრების ზრდაზე ორიენტირებული განათლების სისტემა.
ყოველივე ეს დიდ ძალისხმევას მოითხოვს როგორც მთავრობისგან, ისე საზოგადოების თითოეული წევრისგან. ამ მხრივ, ფასდაუდებელია ევროკავშირისა და სხვა დონორების დახმარება ყოვლისმომცველი რეფორმების გატარების პროცესში“, - განაცხადა პრემიერ-მინისტრმა.
პრემიერ-მინისტრის თქმით, მთავრობის მიზანს წარმოადგენს 2014 წელს ევროკავშირთან გაფორმებული ასოცირების შეთანხმების განხორციელება, რაც ხელს შეუწობს ქვეყანაში ევროპული სტანდარტებისა და ნორმების დამკვიდრებას, ასევე მოქალაქეების ცხოვრების დონის ამაღლებას, ეკონომიკური ზრდისათვის პირობების შექმნასა და დემოკრატიული პრინციპების შემდგომ განმტკიცებას.
ანა მებურიშვილი