უახლესი ამბები
- 26.04.2024 12:3029 აპრილს რუსთაველზე დგომა არის ისტორიული სირცხვილი - ზურაბ ჯაფარიძე
- 26.04.2024 12:22საქართველოს ევროინტეგრაცია ვერც მიხეილ სააკაშვილის თავისუფლებაზე და ვერც ივანიშვილის დასანქცირებაზე ან ვიღაცების დასანქცირებაზე ვერ გაივლის -გიორგი გახარია
- 26.04.2024 11:41საქართველოს ბანკის მხარდაჭერით G&A ჯგუფი საწარმოო ხაზსა და სიმძლავრეებს აფართოებს
- 26.04.2024 08:54ვეღარ ვივლით ევროპაში უვიზოდ, როდესაც ქვეყანას, რუსული წესებით მართავს რუსული ხელისუფლება - ნიკა მელია
არქივი
პოლიტიკა
საქარველოში ვეღარასოდეს ვეღარ მოიკიდებს ფეხს ქურდული მენტალიტეტი, ეს არის გამორიცხული - გიორგი კვირიკაშვილი
ქურდული სამყაროს წევრობისა და კანონიერი ქურდობისათვის სასჯელი მკაცრდება.
როგორც მთავრობის დღევანდელ სხდომაზე, საქართველოს პრემიერ-მინისტრმა, გიორგი კვირიკაშვილმა განაცხადა, შინაგან საქმეთა სამინისტროს ინიციატივით შემუშავდა საკანონმდებლო ცვლილებათა პაკეტი, რომლის მიხედვითაც დასჯადი ხდება კანონიერი ქურდისთვის მიმართვაც.
„შს სამინისტროში მიმდინარეობს ძირეული ცვლილებების პროცესი. მინდა გითხრათ, რომ გიორგი გახარიას აქვს ძალიან დიდი მხარდაჭერა ამ პროცესში. ეს ცვლილებები და სიახლეები ეხება ბევრს მიმართულებას, ეს არის კრიმინალური პოლიცია, საპატრულო პოლიცია, საზღვრის დაცვა, უბნის ინსტიტუტების ინსტიტუტის გაძლიერება, ქვეითი პატრულის გაძლიერება და ა.შ. მე დარწმუნებული ვარ, რომ ეს ნაბიჯები აუცილებლად გამოიღებს შედეგს ქვეყანაში უსაფრთხოების სურათის გაუმჯობესების კუთხით და ჩვენი მოქალაქეების დაცულობის კუთხით”, - განაცხადა პრემიერ-მინისტრმა.
მთავრობის სხდომაზე გიორგი კვირიკაშვილმა ასევე, ხაზი გაუსვა უწყების გახსნილობას და ადამიანის დაცვის კუთხით სპეციალური დეპარტამენტის ფაქტს მნიშვნელოვანი უწოდა. მისი თქმით, ამ მიმართულებითაც უწყებაში ბალანსი უნდა არსებობდეს.
„მთლიანობაში, მინდა აღვნიშნო და დავარწმუნო საქართველოს მოსახლეობა, რომ საქარველოში ვეღარასოდეს ვეღარ მოიკიდებს ფეხს ქურდული მენტალიტეტი. ეს არის გამორიცხული და ამ მიმართულებით ჩვენ ვიქნებით ნამდვილად თანმიმდევრული და დაუნდობელი, ვინაიდან ეს ეხება ჩვენი თანამოქალაქეების სიმშვიდეს, მშვიდ ცხოვრებას და ჩვენი ქვეყნის მომავლის შენებას“, – განაცხადა გიორგი კვირიკაშვილმა.