საზოგადოება

სარფში თურქეთის მიმართულებით ავტომობილებისა და ფეხით გადასვლის მსურველების შეშვება კვლავ შეფერხებულია

სარფის სასაზღვრო-გამშვებ პუნქტზე თურქეთის მიმართულებით, ისევე როგორც საქართველოს მიმართულებით ავტომობილებისა და ფეხით გადასვლის მსურველების შეშვება შეფერხებულია.

როგორც მედიანიუსს ბათუმში თურქეთის საკონსულოში განუცხადეს, შეფერხება თურქეთის საბაჟოზე სისტემის გათიშვას უკავშირდება.

ამასთან, საკონსულოში განმარტავენ, რომ მსგავსი პრობლემა თურქეთის სხვა გამშვებ პუნქტებშიც არის შექმნილი, თუმცა მათთვის უცნობია რა არის სისტემის გათიშვის მიზეზი.

„გუშინ საღამოს დაიწყო ეს პრობლემა. ამჟამად ყველა შესაბამისი სამსახური მუშაობს, რომ პრობლემა მოგვარდეს. დროთა განმავლობაში სისტემა ირთვება, მერე ისევ ითიშება. გატარება მაშინ ხდება როდესაც სისტემა ირთვება ავტომობილების და მგზავრების. ეს არის არა მხოლოდ სარფში, არამედ თურქეთის სხვა გამტარ პუნქტებზეც. არ ვიცით, რამ გამოიწვია სისტემის მწყობრიდან გამოსვლა“,-განაცხადეს საკონსულოში.

მონიკა დავლიანიძე