სამართალი

სასტუმრო `შერატონ მეტეხი პალასი` დაყადაღებულია

ავსტრიული კომპანია VI2 Partners GmbH – სა და "რაკია ჯორჯიას“ შორის მიმდინარე სასამართლო დავის ფარგლებში თბილისის საქალაქო სასამართლომ თბილისში, სასტუმრო "შერატონ მეტეხი პალასი" დააყადაღა.

აღნიშნულთან დაკავშირებით კომპანია VI2 Partners GmbH-ის წარმომადგენელმა მარკ-მილო ლუბემ და მისმა ადვოკატმა დავით ასათიანმა დღეს პრესკონფერენციაზე გამართეს.

როგორც ჟურნალისტებთან შეხვედრაზე აღინიშნა, VI2 Partners GmbH-ი კომპანიია, რომელმაც "რაკია ჯორჯიას" "შერატონ მეტეხი პალასის" აქტივების შეძენისათვის 2011 წელს ჩეკების სახით 20 მილიონი დოლარი გადაუხადა, თუმცა "რაკია ჯორჯიამ" ქონების გადაცემის ვალდებულებები ამ დრომდე არ შეასრულა.

მარკ-მილო ლუბეს განცხადებით, კომუნიკაცია შეწყდა და გარიგება ჩაიშალა.

მისივე თქმით, მათი მხარე ამ ხუთი წლის განმავლობაში უშედეგოდ ცდილობდა, გადახდილი თანხის უკან დაბრუნებას.

ადვოკატ, დავით ასათიანის განცხადებით, კომპანიას მტკიცედ აქვს გადაწყვეტილი ამოიღოს ის თანხა, რომლითაც დაზარალდა და ამასთანე, მიიღოს ზიანის ანაზღაურების სანაცვლოდ, დამატებითი თანხა.

,,ჩვენ შეტანილი გვაქვს სარჩელი საქართველოს სასამართლოში და ვითხოვთ დაახლოებით 30 მილიონ აშშ დოლარს. ეს არის რეალურად 20 მილიონი, რაც გადახდილია და ის ზარალი, რაც მიადგა კომპანიას. მინდა გითხრათ, რომ ეს თანხა პროცესის განმავლობაში გაიზრდება. ჩვენ კიდევ ვაზუსტებთ მოყენებული ზიანის ოდენობას’’, - აღნიშნა ადვოკატმა.

მისივე ინფორმაციით, დღეის მდგომარეობით, დაყადაღებულია სასტუმრო "შერატონ მეტეხი პალასი" და "რაკია ჯორჯიას" სხვა უძრავი ქონება, როგორც თბილისში, ასევე შავი ზღვისპირეთში. კომპანიის საბანკო ანგარიშები კი ხელუხლებელია.

ადვოკატის განცხადებით, ამ დროისათვის, სასამართლო მოპასუხე მხარის "რაკია ჯორჯიას" მხრიდან შესაგებელს ელოდება.

ნინო ექვთიმიშვილი