კომენტარი

საზოგადოება ჯერ არ არის მზად კონსტიტუციური მონარქიისთვის - მიხეილ გიორგაძე

საზოგადოება ჯერ არ არის მზად კონსტიტუციური მონარქიისთვის, - განაცხადა საქართველოს კულტურისა და ძეგლთა დაცვის მინისტრმა მიხეილ გიორგაძემ კონსტიტუციური მონარქიის საკითხის კომენტირებისას.

მისი თქმით, უწმინდესობამ აღნიშნა, რომ მომავალში საკონსტიტუციო მონარქიის შემოღებაზე არ არის საუბარი, შემოთავაზება იყო ამ საკითხზე მსჯელობის დაწყებაზე.

"საზოგადოების ფართო კონსენსუსის შედეგად უნდა მოხდეს, ან არ მოხდეს საბოლოო გადაწყვეტილების მიღება. თუ ჩვენ საკონსტიტუციო მონარქიაზე ვსაუბრობთ, აქ საუბარია არაერთ ათწლეულზე, ყოველ შემთხვევაში ამ საკითხზე მსჯელობა უტოპიურად არ მეჩვენება", - განაცხადა გიორგაძემ.

ნინო ექვთიმიშვილი