კომენტარი

საზოგადოება პირდაპირ ეთერში ხედავდა კადრებს, როგორ ადევნებდა თვალყურს პოლიცია რიგ შემთხვევებში საკმაოდ მძიმე დანაშაულს - ომბუდსმენი

სახალხო დამცველი, უჩა ნანუაშვილი რიგ შემთხვევებში სამართალდამცავი უწყებების მხრიდან არასათანადო რეაგირების ფაქტებზე საუბრობს.

ამ მხრივ უჩა ნანუაშვილის ანგარიშში კორცხელისა და ბათუმის ინციდენტები მოხვდა.

ომბუდსმენი მიიჩნევს, რომ ორივე შემთხვევაში სიტუაციის გამწვავებას ხელი დაგვიანებულმა რეაგირებამ შეუწყო და აცხადებს, რომ მსგავსი ფაქტების პრევენციაზე მეტი რესურსი უნდა იყოს მიმართული.

"როცა არ ხდება მსგავს ინციდენტებზე დროული რეაგირება, ეს ფაქტიურად არის წახალისება მსგავსი დანაშაულის და ეს ნიშანი გამოიკვეთა ორივე შემთხვევაში. საზოგადოება პირდაპირ ეთერში ხედავდა კადრებს, როგორ ადევნებდა თვალყურს პოლიცია რიგ შემთხვევებში საკმაოდ მძიმე დანაშაულს", - განაცხადა უჩა ნანუაშვილმა.

ნინო ექვთიმიშვილი