უკან

უახლესი ამბები

დღის კალენდარი

ანონსები

არქივი

პოლიტიკა

14 დეკემბერი, 2017 16:50
font-size

„საზოგადოებრივ მაუწყებელს“ ელემენტარული რეიტინგი ხომ მაინც უნდა ჰქონდეს? - რომან გოცირიძე

„ერთიანი ნაციონალური მოძრაობის“ ლიდერის, რომან გოცირიძის შეფასებით, საზოგადოებრივი მაუწყებლის პრობლემას წარმოადგენს მენეჯმენტის წარმართვა და არა დაფინანსება. ამის შესახებ დეპუტატმა „მაუწყებლობის შესახებ“ კანონპროექტის განხილვაზე განაცხადა.

არხის რეკლამირების საკითხის კომენტირებისას რომან გოცირიძემ აღნიშნა, რომ დაფინანსების მომატება საზოგადოებრივი მაუწყებლის ხარისხს ვერ გააუმჯობესებს.

„რაც შეეხება რეკლამას, ეს არის პირდაპირი დაკნინება საქართველოში დამოუკიდებელი მედიასივრცის. უამრავი პატარა ტელევიზიაა პარლამენტის კორიდორში. ძალიან მნიშვნელოვანია, რომ მნიშვნელოვან საკითხებს პარლამენტში 15-20 კამერა აშუქებს. ეს არის საქართველოში დემოკრატიის მონაპოვარი. თუ საქართველოში რაიმე იყო უპირველეს ყოვლისა, დემოკრატიის კუთხით გამოსაყოფი, ეს იყო მედიაპლურალიზმი.

დღეს უამრავ ტელევიზიას ჯიბეში უყოფენ ხელს. ნუ გვგონია, რომ საზოგადოებრივ მაუწყებელს არ აქვს რეკლამა, მშვენიერი რეკლამა აქვს, უბრალოდ არის შეზღუდული რაღაც დროის ჩარჩოებში. ასევე, მათ შეუძლიათ ნებისმიერი სახის რეკლამის განთავსება იმ გადაცემებში, რომლებიც კანონის მიხედვით ნებადართულია. ისე ნუ წარმოაჩენთ, თითქოსდა რეკლამა არ ჰქონდეთ. ისინი ითხოვენ ამ სარეკლამო სივრცეში კიდევ უფრო მეტი როლის დაკავებას.

პრობლემა არის არა ფინანსებში, არამედ მენეჯმენტის ფორმირებაში. ერთი თვის წინ კიდევ ერთი წევრი ავირჩიეთ სამეურვეო საბჭოში, ფეისბუქპოსტები მაინც წაიკითხეთ. ელემენტარულად, საბჭოს წევრი ღიად მაინც არ უნდა გამოხატავდეს საკუთარ პოლიტიკურ სიმპატიებს, ეს პირდაპირ ლუსტრირებაა მათი და ამათ უნდა მივცეთ 50 მილიონი ლარი იმისთვის, რომ დამოუკიდებლები იყვნენ? რამდენი ფულიც არ უნდა მივცეთ, მათ მუშაობის ხარისხზე არ აისახება. საზოგადოებრივ მაუწყებელს ელემენტარული რეიტინგი ხომ მაინც უნდა ჰქონდეს? წელს დავიდა 2%-მდე რეიტინგი და გაუთანაბრდა გასართობი არხის „მარაოს“ რეიტინგს, რომლის რეიტინგიც არის 1.7%. GDS-ის რეიტინგი 3% იყო, გახდა 3.5%. ნახევარი პროცენტით მოიმატა GDS-მა, ნახევარი პროცენტით მოიკლო საზოგადოებრივი მაუწყებლის რეიტინგმა. ალბათ იმიტომ, რომ GDS-ში იყო 20/30, გაქრა 20/30, წამოვიდა საზოგადოებრივ მაუწყებელში, გადაიქცა 21/30-ად და საზოგადოებრივ მაუწყებელს ნახევარი პროცენტი დააკლდა. ვამბობთ, რომ „ჯიდიესირებული“ საზოგადოებრივი მაუწყებელი არის დამოუკიდებელი?“, - განაცხადა გოცირიძემ.

დეპუტატმა უარყოფითად შეაფასა დაგეგმილი ცვლილებები „მაუწყებლობის შესახებ“ კანონში.

„კანონი, რომელიც დაიწერა „საზოგადოებრივ მაუწყებელში“, იყო ძალიან ცუდი, რამდენიმე პრინციპული საკითხი გამოსწორდა, მაგრამ არა ისე, როგორც ცდილობს უმრავლესობა წარმოჩენას. „საზოგადოებრივი მაუწყებელი“ ებღაუჭება სტარტაპების შექმნის უფლებას, მიუხედავად იმისა, რომ იცის, ჩავარდება, ანუ ცდილობს, შექმნას რაღაცა ნულიდან საკუთარი ბიუჯეტიდან იურიდიული პირი, რომელსაც მისცემს ფულს, რომელიც აწარმოებს რაღაც მედიაპროდუქტს და მიაჩნია, რომ თუ ეს არ დაინერგა მაუწყებლის სისტემაში, ისეთ რამეს კარგავს, უღირთ გადამტერება საპარლამენტო უმრავლესობის. რა არის ასეთი ინტერესი ამაში?”,-აღნიშნა გოცირიძემ.

ანა მებურიშვილი

„ქართული ოცნების” საარჩევნო სიისა და მაჟორიტარობის კანდიდატების შესახებ უახლოეს მომავალში გახდება ცნობილი - კახა კალაძე

23 მაისი, 2020 , 16:32

რაც შეეხება საარჩევნო სიას, თუ ვინ იქნება წარმოდგენილი საარჩევნო სიაში, ვინ იქნება მაჟორიტარი დეპუტატობის კანდიდატები, ეს უახლოეს მომავალში იქნება ცნობილი, – ამის შესახებ დედაქალაქის მერმა, „ქართული ოცნების&r

საქართველოს პრეზიდენტმა „საზოგადოებრივი ჯანმრთელობის შესახებ` კანონში და ,,სისხლის სამართლის საპროცესო კოდექსში“ ცვლილებებს ხელი მოაწერა

22 მაისი, 2020 , 22:12

საქართველოს პრეზიდენტმა „საზოგადოებრივი ჯანმრთელობის შესახებ" კანონში ცვლილებებსა და ,,სისხლის სამართლის საპროცესო კოდექსში“ ცვლილებებს ხელი მოაწერა. პრეზიდენტის განმარტებით, აუცილებელია საგანგებო მდგომარეობი

მთავრობას 15 ივლისამდე შემზღუდავი ღონისძიებების გატარება საგანგებო მდგომარეობის გარეშეც შეეძლება

22 მაისი, 2020 , 19:46

საქართველოს პარლამენტმა „საზოგადოებრივი ჯანმრთელობის შესახებ“ კანონპროექტი მესამე მოსმენით დაამტკიცა. კერძოდ, რეგისტრაცია გაიარა 94-მა დეპუტატმა, ცვლილებებს მხარი დაუჭირა 81-მა დეპუტატმა, წინააღმდეგი არც ერთი

დავით ჭიჭინაძე გახარიას -“ რა დაგიშავა ამ ქვეყანამ?!”

22 მაისი, 2020 , 17:53

„რა დაგიშავა ამ ქვეყანამ?!” - ამ კითხვით მიმართავს პოლიტიკური მოძრაობა, „ტრიბუნას“ ლიდერი, დავით ჭიჭინაძე პრემიერ გიორგი გახარიას. ჭიჭინაძის თქმით, როდესაც გიორგი გახარია ბიზნესომბუდსმენი იყო, ბიზ

ნატოში ელჩი ვიქტორ დოლიძე გახდება, ჟენევაში – ალექსანდრე მაისურაძე

22 მაისი, 2020 , 17:49

საგარეო საქმეთა მინისტრის დავით ზალკალიანის განცხადებით, ნატო-სა და ჟენევაში ელჩები იცვლება. ამის შესახებ ზალკალიანმა მთავრობის კანცელარიაში გამართულ ბრიფინგზე განაცხადა. როგორც მინისტრმა აღნიშნა, ჟენევაში საქართველოს ელ

ვიმედოვნებ, რვა მარტის შეთანხმება სრულად შესრულდება - გერმანიის ელჩი

22 მაისი, 2020 , 17:06

გერმანიის ელჩი საქართველოში, რვა მარტის შეთანხმების შესრულების აუცილებლობაზე საუბრობს. ამბობს, რომ დოკუმენტში ყველაფერი გასაგებად წერია და დიპლომატების ვალდებულება არ არის საჯაროდ განიხილონ დეტალები. „მინდა გითხრათ