უკან

უახლესი ამბები

დღის კალენდარი

ანონსები

არქივი

პოლიტიკა

8 აგვისტო, 2018 16:01
font-size

სერგეი ივანოვის განცხადებით, მოსკოვმა ჯერ კიდევ 2007 წელს შეიმუშავა „სამოქმედო გეგმა“ ოკუპირებულ ცხინვალში საომარი მოქმედებების შემთხვევაში

რუსეთის პრეზიდენტის სპეციალურმა წარმომადგენელმა, სერგეი ივანოვმა გენერალური შტაბის მიერ 2007 წელს შემუშავებულ „საიდუმლო გეგმაზე“ ისაუბრა, რომელიც უნდა ამოქმედებულიყო ოკუპირებული ცხინვალის რეგიონში ფართომასშტაბიანი საომარი მოქმედებების შემთხვევაში.

ივანოვმა, რომელიც 2007 წელს თავდაცვის მინისტრის, ხოლო 2008 წლის აგვისტოს ომის დროს - ვიცე-პრემიერის თანამდებობას იკავებდა, Коммерсант-ს უამბო, რომ სამოქმედო გეგმის ნაწილი ეხებოდა როკის გვირაბის დაცვას.

„ეს სიცოცხლის გზაა და ჩვენ მშვენივრად ვხდებოდით, რომ თუკი ქართული ჯარი დაიკავებდა როკის გვირაბს, მაშინ მოვლენების შემდგომი განვითარების განჭვრეტა რთული იქნებოდა“, - აღნიშნა ივანოვმა.

მისივე თქმით, მათ ვერ მოახერხეს გეგმის იმ ნაწილის შესრულება, რომელიც გამორიცხავდა კონფლიქტში წვევამდელთა მონაწილეობას.

„გეგმაში იყო გათვალისწინებული, რომ სამხედრო ჩარევის აუცილებლობისა და საქართველოს მშვიდობისკენ იძულების შემთხვევაში, სამხრეთ ოსეთის ტერიტორიაზე შევა მხოლოდ სამხედრო დანაყოფები, რომლებიც დაკომპლექტებულია კონტრაქტორებით“, - განმარტა ივანოვმა და აღნიშნა, რომ ამის პრაქტიკაში განხორციელება ვერ მოხერხდა.

„ასე მოხდა, სანამ ამ გეგმას ვეძებდით, სანამ სეიფიდან ვიღებდით, სანამ ვსწავლობდით, საჭირო იყო მყისიერად მოქმედება, მაგრამ ამ ნაწილში არ გამოვიდა, უნდა ვაღიარო. ასევე იყო რაღაც შეუსაბამობები, რადგან ჩვენ ბევრი ავიაცია დავკარგეთ“, -აღიარა ივანოვმა.

ივანოვის თქმით, რუსეთის დანაკარგები იყო გამოწვეული ცუდი დაზვერვით.

კითხვაზე, რატომ არ აიღო რუსულმა ჯარმა თბილისი, ივანოვმა უპასუხა, „რადგან არ ვაპირებდით მის აღებას. რისთვის? არანაირი პოლიტიკური აზრი ამაში არ იყო, სამხედრო მხრივაც. სამხედრო თვალსაზრისით, ისეთი დარტყმა უნდა მიგვეყენებინა საქართველოს შეიარაღებული ძალებისთვის, რათა ახლო მომავალში მათ არ გაემეორებინათ მსგავსი ავანტურა. რადგან ხელისუფლებაში დარჩა სააკაშვილი. და ვის შეეძლო, მიეცა გარანტია, რომ ეს, უკაცრავად, იდიოტი არ გაიმეორებს თავის ავანტურას? თუკი საამისო ძალა შერჩება“.

მისივე თქმით, დასავლელი პარტნიორები არწმუნებდნენ მოსკოვს, რომ საქართველოს მაშინდელი პრეზიდენტი მიხეილ სააკაშვილი არ წავიდოდა სამხედრო კონფლიქტზე.

„სერგეი, ნუ ღელავთ, ის წითელ ხაზს არ გადაკვეთს“, - გაიხსენა ივანოვმა აშშ-ის მაშინდელ სახელმწიფო მდივან კონდოლიზა რაისთან საუბარი.

„ხვდებით, ჩვენ, რა თქმა უნდა, არ ვართ დიდად მიამიტი ხალხი, სულელები, რომლებსაც სჯერა ყველაფრის, რასაც ეტყვიან“, - განმარტა ივანოვმა გეგმის შემუშავების მიზეზები.

ნატო ჩხეიძე: ნეტავ დივერსიული ჯგუფია თუ ჯანსაღი?..

27 იანვარი, 2021 , 20:10

„უკვე დიდი ხანია, ისეთი პირი უჩანს,რომ არა მარტო ელისაშვილ-იოსელიანი, არამედ გირჩის განაყოფიც: ხვიჩია-მეგრელიშვილ-რაქვიაშვილის სახით ოპოზიციის ოპოზიციად არის ჩამოყალიბებულ-გამწესებული,“ - ამის შესახებ მოძრაობ

თავდაცვის ძალების მეთაურმა ნატო-ს მეკავშირეთა გაერთიანებულ სარდლობაში შეხვედრები გამართა

27 იანვარი, 2021 , 17:20

საქართველოს თავდაცვის ძალების მეთაური, გენერალ-მაიორი გიორგი მათიაშვილი ვიზიტით ბელგიაში იმყოფება, სადაც ნატო-ს შტაბ-ბინა ალიანსის წევრი და პარტნიორი ქვეყნების თავდაცვის ძალების მეთაურების შეხვედრებს მასპინძლობს. ამის შე

იმედი მაქვს, უახლოეს დღეებში პარლამენტს მეორე ოპოზიციური პარტია შემოუერთდება - არჩილ თალაკვაძე

27 იანვარი, 2021 , 16:35

„ოპოზიციის რადიკალური ნაწილი აცხადებდა, რომ „ქართული ოცნება“ პარლამენტში იქნებოდა მარტო. მოგეხსენებათ, დღეს ეს სტატუს-კვო შეცვლილია“, - განაცხადა პარლამენტის თავმჯდომარემ არჩილ თალაკვაძემ და აღნიშ

არ ვაპირებთ უკანდახევას -ლევან ბეჟაშვილი

27 იანვარი, 2021 , 15:25

არ ვაპირებთ უკანდახევას, ჩვენ მიღმა დგას საზოგადოება, ელექტორატი, მათი მოთხოვნა, რომ ამ ქვეყანაში გაყალბებული არჩევნების შედეგად პოლიტიკური კრიზისი გადაწყდეს ახალი საპარლამენტო არჩევნების გზით, – ამის შესახებ &bdqu

გენერალ-მაიორი გიორგი მათიაშვილი ნატოს სამხედრო კომიტეტის თავმჯდომარეს, გენერალ სტიუარტ პიჩს შეხვდა

27 იანვარი, 2021 , 12:00

საქართველოს თავდაცვის ძალების მეთაური, გენერალ-მაიორი გიორგი მათიაშვილი ნატოს სამხედრო კომიტეტის თავჯდომარეს, გენერალ სტიუარტ პიჩს შეხვდა. ამის შესახებ ინფორმაციას საქართველოს თავდაცვის სამინისტრო ავრცელებს. მათივე ინფორ

საქართველოს დღეს ირანის საგარეო საქმეთა მინისტრი, მოჰამედ ჯავად ზარიფი ეწვევა

27 იანვარი, 2021 , 10:36

საქართველოს, რეგიონალური ტურნეს ფარგლებში, დღეს, ორდღიანი ვიზიტით, ირანის ისლამური რესპუბლიკის საგარეო საქმეთა მინისტრი, მოჰამედ ჯავად ზარიფი ეწვევა. საქართველოს საგარეო უწყების ინფორმაციით, ვიზიტის ფარგლებში იგი შეხვედრ