პოლიტიკა

შალვა ნათელაშვილი ისრაელის ელჩს საქართველოში ღია წერილით მიმართავს

ლეიბორისტული პარტიის ლიდერი შალვა ნათელაშვილი ისრაელის ელჩს საქართველოში, რან გიდორს ღია წერილით მიმართავს;

„ისრაელის საგანგებო და სრულუფლებიან ელჩს საქართველოში, მის აღმატებულება რან გიდორს

ბატონო ელჩო,

პატივი მაქვს დავადასტურო უდიდესი პატივისცემა მოძმე ებრაელი ხალხისა და პირადად თქვენდამი.

არ დაგიმალავთ, ძალიან არასასიამოვნო იყო თქვენი პირველი საჯარო შეხვედრა მმართველი პარტიის „ქართული ოცნების“ თავმჯდომარე, პროპუტინისტურ, მილიარდერ დიქტატორ ბიძინა ივანიშვილთან.

იმედია, გესმით, ის როგორც განწირული მტაცებელი, ყველა ღონეს ხმარობს რათა მიიღოს მსოფლიოში ავტორიტეტული ებრაული ლობების მხარდაჭერა, რასაც, იმედია, ერთად არ დაუშვებთ.

ბატონო ელჩო, მე და დარწმუნებული ვარ, ყველა ჩემი კოლეგა ოპოზიციური სპექტრიდან, ყოველთვის მზად ვართ თქვენთან და მეგობარ ისრაელთან თანამშრომლობისთვის.

კიდევ ერთხელ გიდასტურებთ უდიდეს პატივისცემას.“ - აღნიშნავს შალვა ნათელაშვილი.