არქივი
პოლიტიკა
ვოლსკი ზურაბიშვილზე: რუსულ თემას რაც შეეხება, ან არ იცის, ან უნდა, რომ საზოგადოება შეცდომაში შეიყვანოს, ან თვითონ არის შეცდომაში შეყვანილი
"ქართული ოცნების" ერთ-ერთი ლიდერი, გია ვოლსკი პრეზიდენტის გუშინდელ ინტერვიუს გამოეხმაურა და თქვა, რომ სალომე ზურაბიშვილი რუსეთის საკითხზე საუბრისას ან საზოგადოების შეცდომაში შეყვანას ცდილობს, "ან თავად არის შეცდომაში შეყვანილი".
,,რუსულ თემას რაც შეეხება, [პრეზიდენტმა] ან არ იცის, ან უნდა, რომ საზოგადოება შეცდომაში შეიყვანოს, ან თვითონ არის შეცდომაში შეყვანილი, ვინაიდან არათუ რუსული თემა არ არსებობს, რუსულ თემასთან დაკავშირებით შემიძლია ვთქვა: პირველი, ეს არის ის, რომ ჩვენ მოვიგეთ და ვაგრძელებთ მუშოაბას, საერთაშორისო სასამართლო, საერთაშორისო ტრიბუნალი აგრძელებს მუშაობას, რათა დანაშაულები, რაც რუსეთმა ჩაიდინა საქართველოში, ეს მიმდინარე პროცესი დაასრულოს. სტრასბურგის სასამართლოში მოვუგეთ რუსეთს და ესეც მიმდინარე პროცესია, როდესაც განგრძობით ოკუპაციაზე გვაქვს საუბარი. რაც შეეხება უკრაინასთან მიმართებით, არათუ არცერთ საერთაშორისო პოლიტიკურ დოკუმენტს არ ჩამოვრჩით და ავტორები არ გავხდით, არამედ იქაც რუსეთის წინააღმდეგ საერთაშორისო ტრიბუნალში არის საკითხი შეტანილი.
აი, ამ საკითხებზე ლაპარაკის დროს, მგონი, სალომე ზურაბიშვილს უფრო სიღრმისეული ანალიზის გაკეთება მართებს წინასწარ", - თქვა ვოლსკიმ.