კომენტარი

შენობა-ნაგებობების უსაფრთხოებასთან დაკავშირებით პასუხისმგებლობა არ არის ქალაქის მერიის - დავით ნარმანია

თბილისის მერის, დავით ნარმანიას განცხადებით, ,,ბავშვთა სამყაროს’’ შენობას სამხარაულის ექსპერტიზის ბიუროს თანამშრომლები სწავლობენ.

მისი თქმით, ახლა შენობაში შესვლა სახიფათოა და იქ ვერც ერთი მოვაჭრე ვერ შევა, ვიდრე შენობას არ გაამაგრებენ.

,,შენობა-ნაგებობების უსაფრთხოებასთან დაკავშირებით პასუხისმგებლობა არ არის ქალაქის მერიის, თუმცა ყველამ უნდა გავითავისოთ ის, რომ ვიდრე შენობა არ იქნება უსაფრთხოდ, იქ თითოეული ადამიანის შეშვება რისკთან არის დაკავშირებული. შენობა უნდა გახდეს უსაფრთხო, რომ იქ ადამიანები შევიდნენ. სწორედ ამიტომ, ჩვენ ჩავრთეთ სამსახარულის ბიუროს ექსპერტები და ჩვენი მუნიციპალური ლაბორატორიის ექსპერტები, რათა მათ ერთობლივად მიიღონ ამ საკითხთან დაკავშირებით გადაწყვეტილება და გვითხრან, თუ რა ფორმით და როგორ უნდა მოვიქცეთ’’, - განუცხადა ჟურნალისტებს დავით ნარმანიამ.

ნინო ექვთიმიშვილი