უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
საზოგადოება
გარემოს დაცვისა და სოფლის მეურნეობის სამინისტრო საკვებ ზეთებთან დაკავშირებით ტექნიკური რეგლამენტის შემუშავებას იწყებს
გარემოს დაცვისა და სოფლის მეურნეობის სამინისტრო საკვებ ზეთებთან დაკავშირებით ტექნიკური რეგლამენტის შემუშავებას იწყებს, კაკაოსა და შოკოლადის პროდუქტების შესახებ უკვე დამტკიცებული ტექნიკური რეგლამენტი კი 1-ელი ივლისიდან ამოქმედდება.
როგორც სამინისტროს სოფლის მეურნეობის, სურსათისა და სოფლის განვითარების დეპარტამენტის უფროსმა თენგიზ კალანდაძემ „ინტერპრესნიუსს“ განუცხადა, ზეთის რეგლამენტის შესამუშავებლად დარგთან მუშაობა უკვე დაწყებულია.
„ტექნიკური რეგლამენტი მოხმარებისთვის განკუთვნილი კაკაოსა და შოკოლადის პროდუქტების შესახებ“ 2021 წელსაა გამოქვეყნებული და ახლა, პირველი ივლისიდან შევა ძალაში. ეს დაარეგულირებს იმ საკითხს, რომ კაკაოსგან დამზადებულ სხვადასხვა პროდუქტს თავისი სახელი ერქვას. ამ რეგლამენტის მიზანი, ისევე როგორც სხვა პროდუქტებთან დაკავშირებით მსგავსი რეგლამენტების, არის ის, რომ მომხმარებელი არ შევიდეს შეცდომაში და ყველა პროდუქტს თავისი სახელი ერქვას. ჩვენ ასეთი რეგლამენტები ბევრი გვაქვს: რძე და რძის პროდუქტების, თხილის, თაფლის, ახლა იქნება შოკოლადის და მალე მოვამზადებთ ზეთის რეგლამენტს.
შოკოლადის რეგლამენტი განსაზღვრული და დაწერილია ევრორეგულაციების შესაბამისად და აღწერილია რა შემთხვევაში შეგვიძლია დავარქვათ ამ თუ იმ კაკაოს პროდუქტს შოკოლადი. მაგალითად, სხვადასხვა კომპანია აწარმოებს არაჟანს. არაჟანი უნდა ერქვას პროდუქტს, რომელიც დამზადებულია ნატურალური რძისგან, მაგრამ არაჟნის მსგავსი პროდუქტიც არის, რომელიც დამზადებულია რძის ფხვნილისა და მცენარეული ცხიმისგან და მას არაჟანი არ ჰქვია, მას ნებისმიერი სხვა სახელი ჰქვია, რასაც კომპანია მოიფიქრებს და არ იქნება მომხმარებლის შეცდომაში შემყვანი. ჩვენ არ ვსაზღვრავთ რა შეიძლება ერქვას ამ რეგლამენტის მიღმა პროდუქტს, მას შეუძლია ნებისმიერი სახელი მოიფიქროს, მაგრამ ინგრედიენტებსა და შემადგენლობაში იქნება განსაზღვრული, რომ ის არ არის ნამდვილი შოკოლადი და არ შეესაბამება რეგლამენტს. ამ შემთხვევაში მომხმარებლისთვის სრულიად ნათელი იქნება რომელი პროდუქცია უნდა შეიძინოს“, - განაცხადა თენგიზ კალანდაძემ.
მისივე თქმით, რამდენადაა ბაზარზე რეგლამენტის შესაბამისი პროდუქტი, ამას სურსათის ეროვნული სააგენტო აკონტროლებს.
„სურსათის ეროვნული სააგენტო არის მაკონტროლებელი ორგანო. ის ჯერ ეტიკეტთან შესაბამისობას ადგენს და შემდეგ იწყება შემოწმება, რაც გულისხმობს ლაბორატორიულ კონტროლს. ამის საფუძველზე ვადგენთ ეტიკეტზე დატანილი ინფორმაცია შეესაბამება თუ არა მოცემული პროდუქციის შემადგენლობას.
რაც შეეხება ზეთთან დაკავშირებით რეგლამენტს, ვმუშაობთ დარგთან და ვაპირებთ დავწეროთ ტექნიკური რეგლამენტი საკვებ ზეთთან დაკავშირებით“, - განაცხადა თენგიზ კალანდაძემ.