უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
საზოგადოება
სიამოვნებით შევუშვერ თავს იმ პირველ ქვას, რომელსაც აიღებს და მესვრის ტელევიზია - ვასილ მაღლაფერიძე ზვიად რატიანზე გასულ სიუჟეტზე
საზოგადოებრივი მაუწყებლის გენერალური დირექტორი ვასილ მაღალფერიძე გამოეხმაურა საზოგადოების რეაქციას არხზე პოეტ ზვიად რატიანის საქმეზე გასული სიუჟეტის გამო.
მაღლაფერიძის განმარტებით, ის სრულ პასუხისმგებლობას იღებს საკუთარ თავზე.
„ცხადია, არცერთ ადამიანს ეს აჟიოტაჟი არ მოეწონებოდა. სრულად ვიღებ იმ პასუხისმგებლობას, შიგნით რა მოხდა და როგორ მოხდა, ეს არის ჩემი სრული პასუხისმგებლობა.
მიმაჩნია, რომ ეს არის ჩემი პასუხისმგებლობა. მე ვიღებ პასუხისმგებლობას ბორდის წინაშე. მე მაქვს ჩემი დამოკიდებულება ამ სიუჟეტის მიმართ – ეს არ არის დადებითი, მაგრამ ამავე დროს უნდა გითხრათ, რომ სიამოვნებით შევუშვერ თავს იმ პირველ ქვას, რომელსაც აიღებს და მესვრის ტელევიზია. პირველი არხი მოქმედებდა იმ სტანდარტით, რომელიც არის დადგენილი. უნდა გითხრათ, რომ ის, რაზეც არის ამბავი ატეხილი, შემიძლია წარმოგიდგინოთ. ეს გაუშვა აბსოლუტურად ყველა არხმა, რომელსაც ახლა ვაძლევ ინტერვიუს. პირველი არხი, იმ ცნობილ გამონათქვამებს არ გავიმეორებ, ადებდა სიგნალს და აქ არიან არხები, რომლებიც ამას უშვებდნენ სიგნალის გარეშე, მათ შორის ჩვენზე ადრე. ჩვენ ჯერ დაბალი ყურებადობა გვაქვს და ისე წარმოჩინდა, რომ ეს პირველმა არხმა გაავრცელა და დაატირაჟირა“, -თქვა მაღლაფერიძემ არხის სამეურვეო საბჭოს სხდომაზე.
საზმაუს გენერალური დირექტორის ინფორმაციით, სიუჟეტის გაშვების დღეს ის სამსახურში არ იმყოფებოდა პირადი პრობლემების გამო.
27 დეკემბერს ზვიად რატიანის საქმეზე სასამართლო სხდომა გაიმართა, რომელზეც შსს-მ პოლიციელების მიერ ჩაწერილი აუდიომტკიცებულება წარადგინა, სადაც ისმოდა, როგორ აგინებს პოეტი სამართალდამცველებს.
საზოგადოებრივმა მაუწყებელმა აღნიშნული ვიდეო შსს-სგან ოფიციალურად გამოითხოვა და გაავრცელა. ვიდეო დამონტაჟებულია და სრულად არ ასახავს დაკავების პროცესს, არც იმას, თუ რამ გააღიზიანა ზვიად რატიანი.
ვიდეოს გასაჯაროებამ ნეგატიური რეაქცია გამოიწვია საზოგადოების ნაწილში და განხილვის თემა გახდა სოციალურ ქსელებში. მწერლებისა და ცნობილი ადამიანების ნაწილმა ამის გამო საზოგადოებრივ მაუწყებელს ბოიკოტი გამოუცხადა.
ზვიად რატიანი 24 დეკემბრის ღამეს, საპოლიციო შემოწმების დროს დააკავეს. მას ედავებიან ხულიგნობასა და პოლიციის მიმართ დაუმორჩილებლობაში, ხოლო თავად პოეტი ამბობს, რომ სამართალდამცველებმა მასზე ფიზიკურად და ფსიქოლოგიურად იძალადეს.
ამ ინციდენტის გამო შინაგან საქმეთა სამინისტროს გენერალურმა ინსპექციამ გამოძიების დასრულებამდე მხოლოდ ერთ პოლიციელს შეუჩერა უფლებამოსილება.
ანა მებურიშვილი