უკან

უახლესი ამბები

დღის კალენდარი

ანონსები

არქივი

მსოფლიო

27 მარტი, 2018 12:10
font-size

„სიმართლე თქვით!“ - კემეროვოში მიტინგი მიმდინარეობს

კემეროვოს ცენტრში მასობრივი აქცია მიმდინარეობს, რომელიც ეხება კვირას სავაჭრო-გასართობ ცენტრ „ზამთრის ალუბალში“ გაჩენილ ხანძარს, რომლის შედეგად 64 ადამიანი დაიღუპა.

შეკრებილები მოითხოვენ მთავრობისგან, სიმართლე თქვას მომხდარ ტრაგედიაზე. ბევრს არ სჯერა, რომ გასაჯაროებული მსხვერპლთა რიცხვი სიმართლეს შეესაბამებოდეს. მომიტინგეების ნაწილი ფიქრობს, რომ ცეცხლის გაჩენისას სავაჭრო ცენტრში ცოტა მეხანძრე-მაშველი გააგზავნეს, რის გამოც ვერ მოხერხდა ხალხის გადარჩენა. გარდა ამისა, ხალხი მოითხოვს კემეროვოს ოლქის გუბერნატორის ამან ტულეევის გადადგომას.

დროდადრო აქციის მონაწილეები სკანდირებენ „სიმართლე თქვით!“ და „გადადგეს!“.

ინტერფაქსის ცნობით, თავდაპირველად ქალაქის მოედანზე 300 ადამიანი შეიკრიბა, თუმცა ხალხის რაოდენობა თანდათან იზრდება. შეკრებილთა ნაწილმა ბავშვების ფოტოებიც მოიტანა.

ადგილზე მობილიზებული არიან სამართალდამცველები და ОМОН-ის ძალოსნები, ასევე სასწრაფოს 5 მანქანა.

გარდა ამისა, ადგილობრივ მოსახლეობას ყვავილები და სათამაშოები მოაქვს ტრაგედიის ადგილას.

კემეროვოს ოლქში 25 მარტს სავაჭრო-გასართობ ცენტრ „ზამთრის ალუბალში“ გაჩენილი ხანძრის გამო სამდღიანი გლოვაა გამოცხადებული.

ოლქის გუბერნატორის გადაწყვეტილებით, 27, 28 და 29 მარტს კემეროვოს ოლქის მთელ ტერიტორიაზე რუსეთის სახელმწიფო დროშები დაეშვება.

ხანძარი შენობაში კვირას გაჩნდა. რუსეთის საგანგებო სიტუაციათა სამინისტროს ცნობით, ცეცხლი გაჩნდა სავაჭრო-გასართობი ცენტრის მეოთხე სართულზე, სადაც იყო განთავსებული კინოთეატრი და საბავშვო სათამაშო მოედნები.

მომხდარზე სისხლის სამართლის საქმეა აღძრული. დაკავებულია 5 პირი, მათ შორის იმ შენობის მოიჯარე, რომელშიც ხანძრის კერა გაჩნდა, ასევე დაცვის წევრი, რომელმაც, სავარაუდოდ, გამორთო სახანძრო სიგნალიზაცია.

ხანძრის გამომწვევ მიზეზებს შორის ასახელებენ ელექტროსადენის გაუმართაობას. არსებობს ვერსია, რომ ხანძარი მოზარდების გამო გაჩნდა.

ლაიფციგის აეროპორტიდან საქართველოს 62 მოქალაქის დეპორტაცია განხორციელდა

18 იანვარი, 2019 , 10:10

გერმანიიდან საქართველოს 62 მოქალაქის დეპორტაცია განხორციელდა, – ამის შესახებ გერმანული მედია წერს. მათივე ინფორმაციით, ავიარეისი ლაიფციგის აეროპორტიდან შესრულდა. როგორც გერმანული პრესა წერს, დეპორტირებულთაგან 26 თა

აშშ-ის საელჩო ქართველ ხალხს თანაგრძნობას უცხადებს

17 იანვარი, 2019 , 17:05

საქართველოში ამერიკის შეერთებული შტატების საელჩო დიდ დიღომში მომხდარი ტრაგედიის გამო ქართველ ხალხს თანაგრძნობას უცხადებს. „ამერიკის შეერთებული შტატების საელჩო თანაუგრძნობს ქართველ ხალხს 16 იანვარს დიდ დიღომში მომხდ

დალია გრიბაუსკაიტემ სალომე ზურაბიშვილს თბილისში დატრიალებული ტრაგედიის გამო მიუსამძიმრა

17 იანვარი, 2019 , 17:05

ლიეტუვის პრეზიდენტმა, დალია გრიბაუსკაიტემ, ლიეტუველი ხალხის სახელით, საქართველოს პრეზიდენტ სალომე ზურაბიშვილს თბილისში, დიდ დიღომში დატრიალებული ტრაგედიის გამო მიუსამძიმრა. განცხადება ლიეტუვის პრეზიდენტის ოფიციალურ ვებგვ

ვიზიარებთ ჩვენი ქართველი მეგობრების ტკივილს - საქართველოში თურქეთის საელჩო

17 იანვარი, 2019 , 17:05

საქართველოში თურქეთის რესპუბლიკის საელჩო დიდ დიღომში აფეთქების შედეგად დაღუპულთა ოჯახებს უსამძიმრებს. „ღრმა მწუხარებას გამოვთქვამთ თბილისში, 16 იანვარს, ბუნებრივი გაზის აფეთქების შედეგად, საქართველოს ოთხი მოქალაქის

ესტონეთის საგარეო უწყება თბილისში აფეთქების შედეგად დაღუპულთა ახლობლებს სამძიმარს უცხადებს

17 იანვარი, 2019 , 17:05

ესტონეთის საგარეო საქმეთა სამინისტრო თბილისში მომხდარი აფეთქების შედეგად დაღუპულთა ოჯახებს სამძიმარს უცხადებს. ესტონეთის საგარეო უწყება განცხადებას სოციალურ ქსელ „ტვიტერით“ ავრცელებს. „სამძიმარს ვუცხადე

ლიონის უნივერსიტეტში აფეთქება მოხდა

17 იანვარი, 2019 , 15:32

საფრანგეთის ქალაქ ლიონის უნივერსიტეტში აფეთქება მოხდა. გავრცელებული ინფორმაციით, აფეთქების შემდეგ შენობის ტერასაზე ხანძარი გაჩნდა. შენობიდან ხალხის ევაკუაცია განხორციელდა. ამ ეტაპზე არსებული ინფორმაციით, დაშავდა სულ მცირ