არქივი
საზოგადოება
სიმონეთის პოლიგონთან დაშავებული 6 სამხედროს ჯანმრთელობას საფრთხე არ ემუქრება - თავდაცვის სამინისტრო
სიმონეთის მიმდებარე ტერიტორიაზე სამხედრო მოსამსახურეთა გადაყვანის დროს ავარიის შედეგად დაშავებული მეორე ქვეითი ბრიგადის 22-ე ბატალიონის 6 სამხედროს მდგომარეობა სტაბილურია და მათ სიცოცხლეს საფრთხე არ ემუქრება. ამის შესახებ „მედიანიუსს“ თავდაცვის სამინისტროს პრესსამსახურმა განუცხადა.
გავრცელებული ინფორმაციით, სამხედრო მოსამსახურეების მანქანა ხეს შეეჯახნენ. ისინი გადაიყვანეს გორის სამხედრო ჰოსპიტალში, სადაც მკურნალობას უტარებენ.
თავდაცვის სამინისტროს განცხადებით, ამჟამად აღძრულია სისხლის სამართლის საქმე საქართველოს სისხლის სამართლის ქოდექსის მე-400 მუხლის მიხედვით, რომელიც გულისხმობს საბრძოლო სპეციალური, ან სატრანსპორტო მანქანის მართვის ან ექსპლუატაციის წესების დარღვევას, რამაც გამოიწვია ადამიანის მძიმე ან ნაკლებად მძიმე დაზიანება.
გამოძიებას თავდაცვის სამინისტროს სამხედრო პოლიცია აწარმოებს.
ანა მებურიშვილი