უკან

პოლიტიკა

3 ივლისი, 2018 14:15
font-size

სისხლის სამართლებრივი დევნის დაწყებაზე რეკომენდაციის გაცემა სცილდება საგამოძიებო კომისიის კომპეტენციას - ნათია მეზვრიშვილი

შს მინისტრის მოადგილის, ნათია მეზვრიშვილის განცხადებით, ხორავას ქუჩის საქმის შემსწავლელი დროებითი საპარლამენტო საგამოძიებო კომისიის რეკომენდაცია მ.კ.-ს სისხლის სამართლებრივი დევნის დაწყების შესახებ სცილდება კომისიის კომპეტენციას.

მეზვრიშვილის განმარტებით, ამ რეკომენდაციის გაცემა ნაადრევი იყო, რადგან ჯერჯერობით არაა გამოკითხული ყველა მოწმე.

„როგორც იურისტი, ამ საკითხის შეფასებისგან თავს შევიკავებ, რადგან სისხლის სამართლებრივი დევნის დაწყება არ არის შინაგან საქმეთა სამინისტროს უფლებამოსილება.

ჩემთვის, როგორც იურისტისთვის, ცოტა გაუგებარია კომისიის მხრიდან ამ ეტაპზე ამ ტიპის რეკომენდაციების გაცემა იმ ფონზე, როცა მნიშვნელოვანი მოწმეების გამოკითხვა ჯერ არ დასრულებულა, რომელსაც უშუალოდ აქვს საქმესთან შემხებლობა. შესაბამისად, რეკომენდაციის გაცემა ამ ეტაპზე ცოტა ნაადრევია.

ამასთან, სისხლის სამართლებრივი დევნის დაწყებაზე რეკომენდაციის გაცემა სცილდება საგამოძიებო კომისიის კომპეტენციას, თუმცა როგორც ჩანს, კომისიამ საკმარისად მიიჩნია, რომ არსებობს ამ ეტაპზე საკმარისი მტკიცებულებები იმისთვის, რომ სხვა პირების მიმართ სისხლის სამართლებრივი დევნა დაიწყოს.

აღნიშნული საკითხი ახლა პროკურატურის შესაფასებელია, რომელიც დევნის დაწყების კომპეტენციით სარგებლობს. პროკურატურამ უნდა შეაფასოს, არსებობს თუ არა საკმარისი მტკიცებულებები იმისთვის, რომ კონკრეტული პირების მიმართ სისხლის სამართლებრივი დევნა დაიწყოს“, -აღნიშნა მეზვრიშვილმა.

მისივე თქმით, რეკომენდაციები, რომელიც საგამოძიებო კომისიამ შს სამინისტროს მიმართ გასცა, ფორმალურია და მათზე მიმდინარეობს გამოძიება გამოყოფილი საქმის ფარგლებში.

„საგამოძიებო კომისია რა მიზნებისთვისაც შეიქმნა, კითხვებს, რომელიც საზოგადოებაში არსებობდა, იმავე ფარდულთან დაკავშირებით და თითქოსდა, გაღუნულ დანასთან დაკავშირებით, პასუხები უკვე გაეცა.

ის რეკომენდაციები, რომელიც საგამოძიებო კომისიამ შს სამინისტროს მიმართ გასცა, ვფიქრობ, რომ ფორმალურია იმ თვალსაზრისით, რომ იმ ეპიზოდზე, რომელზეც კომისია მოგვიწოდებს, რომ გამოძიება დავიწყოთ, რეალურად გამოძიება მიმდინარეობს გამოყოფილი საქმის ფარგლებში.

ამიტომ, ცოტა გაუგებარია, ამდენი ხნის მუშაობის შედეგად მხოლოდ ამ დასკვნამდე რომ მივიდა კომისია. სამინისტროში გამოძიება ინტენსიურ რეჟიმში მიმდინარეობს, გამოყოფილი საქმის ფარგლებში ორი პირი უკვე დაკავებულია. საგამოძიებო მოქმედებებს ახლაც ვატარებთ და არც ერთი მიმართულებით მოვლენებისb განვითარებას არ გამოვრიცხავთ. მათ შორის, არ გამოვრიცხავთ იმას, რომ ამ საქმეზე იყვნენ სხვა დაკავებულებიც“, - განაცხადა შს მინისტრის მოადგილემ.

გუშინ ხორავას ქუჩის საქმის საგამოძიებო კომისიამ შსს-სა და მთავარ პროკურატურის მიმართ სერგი კაპანაძის მიერ ინიცირებული რეკომენდაცია გასცა, რაც გულისხმობს მოზარდებს შორის მომხდარი კონფლიქტის დროს, გ.მ.-ს დაჭრის ფაქტზე გამოძიების დაწყებას, ასევე დავით სარალიძის ჯგუფურად განზრახ მკვლელობაში თანამონაწილეობის ფაქტზე მ.კ.-ს მიმართ სისხლის სამართლებრივი დევნის წამოწყებას.

არჩევნების მოახლოვებასთან ერთად პროვოკაციებიც დამძიმდება - ირაკლი კობახიძე

30 სექტემბერი, 2020 , 17:05

დარწმუნებული ვარ, დღეს-ხვალ ვიხილავთ ადამიანებს გისოსებს მიღმა. ეს ასეც უნდა მოხდეს, - ამის შესახებ პარტია „ქართული ოცნება -დემოკრატიული საქართველოს“ აღმასრულებელმა მდივანმა, ირაკლი კობახიძემ ბრიფინგზე განაცხ

სანამ შემდეგ უბედურებას გადაგვკიდეს, მშვიდად გავძლოთ კიდევ 4 კვირა და მშვიდობიანად ჩავწიოთ ესენი - მიხეილ სააკაშვილი

30 სექტემბერი, 2020 , 16:10

მიხეილ სააკაშვილი მარნეულში მომხდარ ინციდენტსა და გუშინდელ პროკურატურის განცხადებას გამოეხმაურა, საქართველო-აზერბაიჯანის საზღვრების დელიტიმიტაციის შესახებ. საქართველოს მესამე პრეზიდენტი ამბობს, რომ ის, რაც მარნეულში ხდებ

ვაკის მაჟორიტარობის დამოუკიდებელი კანდიდატის, ბიძინა გეგიძის განცხადებით, წინასაარჩევნო კვლევები არსებულ რეალობას არ შეესაბამება

30 სექტემბერი, 2020 , 15:25

ვაკის საარჩევნო ოლქში მაჟორიტარი დეპუტატობის დამოუკიდებელი კანდიდატი, ბიძინა გეგიძე, წინასაარჩევნო კვლევების შედეგებს არ ენდობა და აცხადებს, რომ მიმდინარე პროცესები მოსახლეობის შეცდომაში შეყვანას ემსახურება. საშემოდგომო

გიორგი გახარია აზერბაიჯანსა და სომხეთს შორის მიმდინარე სამხედრო კონფლიქტთან დაკავშირებით განცხადებას ავრცელებს

30 სექტემბერი, 2020 , 15:25

საქართველოს პრემიერ-მინისტრი გიორგი გახარია აზერბაიჯანსა და სომხეთს შორის მიმდინარე სამხედრო კონფლიქტთან დაკავშირებით განცხადებას ავრცელებს. „აზერბაიჯანსა და სომხეთს შორის მორიგი სამხედრო დაპირისპირების შედეგად შექ

რას ნიშნავს, რომ აზერბაიჯანს გადაეცა ქართული მიწა უკანონოდ, ტერიტორიულ პრეტენზიას ვუყენებთ აზერბაიჯანს? - დავით ბაქრაძე

30 სექტემბერი, 2020 , 14:20

“მივეჩვიეთ, რომ ყველა არჩევნების წინ „ქართული ოცნების“ მართული პროკურატურა იწყებს სხვადასხვა საქმეებს ძალიან რეზონანსული და ხმამაღალი სახელებით, რაც ასევე რეზონანსულად შუქდება სახელისუფლებო არხების მხრი

მე-9 მოწვევის პარლამენტი დღეს მუშაობას დაასრულებს

30 სექტემბერი, 2020 , 10:55

საქართველოს მე-9 მოწვევის პარლამენტი მუშაობას ასრულებს. საკანონმდებლო ორგანოს მოქმედი შემადგენლობით ბოლო პლენარული სხდომა დღეს, 30 სექტემბერს, 12:00 საათზე გაიმართება. რეგლამენტის თანახმად, პარლამენტმა პლენარული სხდომები

პირდაპირი TV

daily calendar

ვიდეო გალერეა

პოლიტიკური პარასკევი ნატო ჩხეიძე