საზოგადოება

სოსო ოხანაშვილი სანკტ-პეტერბურგის მერიის ერთ-ერთი მაღალჩინოსნის დაცვის უფროსად მუშაობს - ირმა ნადირაშვილი

"ევროპული საქართველოს“ წევრის, ირმა ნადირაშვილის ინფორმაციით, სამი კომიტეტის გაერთიანებულ სხდომაზე, სადაც სუს-ის ანგარიშს განიხილავდნენ, მან სახელმწიფო უსაფრთხოების სამსახურის უფროსის მოადგილეს პატრიარქის დაცვის ყოფილი უფროსის, სოსო ოხანაშვილის შესახებ კითხვა დაუსვა.

ნადირაშვილი ამბობს, რომ ოხანაშვილი სანკტ-პეტერბურგის მერიის ერთ-ერთი მაღალჩინოსნის დაცვის უფროსად მუშაობს.

„შეხვედრაზე დავინტერესდი, დამიდასტურებს თუ არა სუს-ის უფროსის მოადგილე ინფორმაციას იმის თაობაზე, რომ პატრიარქის დაცვის ყოფილი უფროსი დღეს დასაქმებულია და მუშაობს სანკტ-პეტერბურგის მერიის ერთ-ერთი მაღალჩინოსნის დაცვის უფროსად. რადგან შეხვედრა იყო დახურული, მე მხოლოდ ჩემი კითხვის გამოტანა შემიძლია თქვენთვის. ამ შეკითხვაზე მინდოდა პასუხი მიმეღო იმიტომ, რომ ადამიანთან გამოძიებას კითხვები ჰქონდა, ამიტომ მნიშვნელოვანია, დღეს ის სად აგრძელებს ცხოვრებას და საქმიანობას“, - განაცხადა ნადირაშვილმა.