საზოგადოება

სოციალური მომსახურების სააგენტო ირაკლი აბესაძის ბრალდებას პასუხობს

სოციალური მომსახურების სააგენტოს პენსიისა და სოციალური დახმარების სამმართველოს უფროსი, თეა გვარამაძე ნაციონალური მოძრაობის წევრის, ირაკლი აბესაძის იმ განცხადებას პასუხობს, რომლის თანახმადაც, იმის გამო, რომ სახელმწიფო სოციალურად დაუცველებს კომუნალურ გადასახადებს უხდის, მათ სოციალური ქულა გაეზარდათ და შემწეობა მოეხსნათ.

,,შემწეობის შეწყვეტის საფუძველი არ არის მერიის მიერ გაცემული კომუნალური ვაუჩერი. ეს განცხადება არის საფუძველს მოკლებული. პირიქით, სახელმწიფო ან ადგილობრივი თვითმმართველობის ორგანოს მიერ დაფინანსებული კომუნალური ვაუჩერი სარეიტინგო ქულას უფრო დაბლა წევს და ოჯახს უფრო მეტი შანსი აქვს, რომ მიიღოს ეს დახმარება.

კოორდინაცია, რასაკვირველია არის, იმიტომ, რომ მონაცემთა ბაზების მონაცემების მიმოცვლა ხდება ყოველდღიურად’’, ­ - განაცხადა თეა გვარამაძემ.

ნინო ექვთიმიშვილი