11.12.2019 23:38
მოსამართლეობის 20 კანდიდატიდან მხოლოდ 2 კანდიდატი აკმაყოფილებს უზენაესი სასამართლოს მოსამართლეობის სტანდარტს - „ევროპული საქართველო“
11.12.2019 23:18
გიგი უგულავას და ინციდენტის ერთ-ერთ მონაწილეს ბრალი ძალადობის მუხლით წარედგინათ
11.12.2019 22:58
ოპოზიციის ლიდერები და მხარდამჭერები საკანონმდებლო ორგანოს პიკეტირებას გეგმავენ
11.12.2019 22:42
ევროკავშირის, გაეროს, ეუთოსა და აშშ-ის წარმომადგენლებმა ერთხმად მოითხოვეს ქართველი ექიმის დაუყოვნებლივ გათავისუფლება ტყვეობიდან
11.12.2019 22:21
სახელმწიფო ბიუჯეტის კუთვნილი თანხების უკანონოდ დაუფლების ფაქტზე ფოთის საკრებულოს თავმჯდომარეს და ორ პირს ბრალდება წარედგინათ

კომენტარი

სრულიად უტიფარ განცხადებას ვისმენთ - ოთარ კახიძე ეკა ბესელიას პასუხობს

,,ევროპული საქართველოს“ წევრი, ოთარ კახიძე პარლამენტის იურიდიულ საკითხთა კომიტეტის თავმჯდომარის განცხადებას ეხმაურება.

ოთარ კახიძის თქმით, ეკა ბესელია გაფრთხილებული იყო იმის შესახებ, რომ ვერც სერგი კაპანაძე და ვერც „ევროპული საქართველოს“ სხვა წევრები კომიტეტის სხდომას ვერ დაესწრებოდნენ.

კახიძე ამბობს, რომ ეკა ბესელიას განცხადება, თითქოს ხორავას ქუჩის საქმეზე შემუშავებული რეკომენდაციების განხილვა ევროპული საქართველოს წევრების კომიტეტზე არმისვლის გამო ჩაიშალა, უტიფრობაა.

„სრულიად უტიფარ განცხადებას ვისმენთ მისი მხრიდან. მაშინ, როდესაც იურიდიული კომიტეტის თავმჯდომარე ოფიციალურად იყო გაფრთხილებული ჩვენი მხრიდან, რომ ამ საკითხის მომხსენებელი სერგი კაპანაძე საქართველოში არ იმყოფებოდა და შესაბამისად, ბუნებრივია ამ დროს ხდება საკითხის გადადება. ახლა რაღაც განცხადებას აკეთებს თითქოს, ახლა გული ეწვით როგორმე სასწრაფოდ განიხილონ ეს საქმე, როდესაც წელიწადზე მეტია გასული და ნაბიჯი არ გადაუდგამს ხელისუფლებას ამ საკითხის მოსაგვარებლად,“-განაცხადა ოთარ კახიძემ.

მისივე თქმით, იმ შემთხვევაშიც კი სერგი კაპანაძე, საქართველოში რომ ყოფილიყო, "ევროპული საქართველო" კომიტეტის სხდომას მაინც ვერ დაესწრებოდა, ვინაიდან დღეს ნიკა რურუას დაკრძალვაა.