უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
სამართალი
ხორავას ქუჩაზე მომხდარი მკვლელობის საქმეზე „ევროპული საქართველოს“ დადგენილების განხილვა კომიტეტში სერგი კაპანაძის გამოუცხადებლობის გამო გადაიდო
პარლამენტის იურიდიულ საკითხთა კომიტეტის სხდომაზე ხორავას ქუჩაზე მომხდარ მკვლელობასთან დაკავშირებით შემუშავებული რეკომენდაციების შესრულების დადგენილების განხილვა მომხსენებლის, სერგი კაპანაძის გამოუცხადებლობის გამო გადაიდო.
როგორც კომიტეტის თავმჯდომარემ ეკა ბესელიამ განაცხადა, აღნიშნული საკითხის განხილვა კომიტეტმა პირველ საკითხად დააყენა, თუმცა მომხსენებელი საქართველოში არ იმყოფება, ხოლო სხვა მომხსენებელი კომიტეტზე არ მივიდა, შესაბამისად, საკითხის განხილვა დღეს ვერ მოხდა.
„ბიუროს სხდომაზე ორჯერ დადგა „ევროპული საქართველოს“ მხრიდან მოთხოვნა, რომ განგვეხილა დადგენილების საკითხი, ხოლო შემდეგ კომიტეტის სხდომაზე საკმაოდ არასასიამოვნო კამათი იყო, რომლითაც ითხოვდნენ კახიძე და ჩვენი სხვა კოლეგები ამ საკითხის ფორსირებულ რეჟიმში განხილვას. ვაცნობეთ მათ დროულად, რომ მომხსენებელი გამოცხადებულიყო, თუმცა როგორც გვითხრეს, ვერ შეძლეს ამ საკითხის წარმოდგენა, რადგან სერგი კაპანაძე არ გახლავთ საქართველოში, თუმცა შესაძლებელი იყო სხვა მომხსენებლის დანიშვნა, რეგლამენტი ამის საშუალებას იძლევა. თუ არის ინტერესი, რომ უფრო სწრაფად განხილულიყო, ვიდრე ბიურომ განსაზღვრა. ამ საკითხზე ხაზგასმით იმიტომ ვსაუბრობ, რომ მუდმივად გვიწევდა იმის ახსნა, რომ რამდენიმე დღე იყო საჭირო კომიტეტზე საკითხის მოსამზადებლად. ახლა უკვე როცა ვამბობთ, რომ მზად ვართ განსახილველად, ვერ ვხედავთ მომხსენებელს. ორი კვირაა მათი წარმომადგენლები სასესიო სხდომებს არ ესწრებიან, ვერ გეტყვით, ეს რითია განპირობებული, მაგრამ საკითხისადმი ინტერესი თუ არსებობს, შეიძლებოდა რომელიმე მომხსენებელი გამოცხადებულიყო სხდომაზე, რადგან პროცედურა ამის შესაძლებლობას იძლევა. კარგი იქნება, თუ საკითხი არ იქნება გამოყენებული პოლიტიკური ნიშნით. იმედია, ამ საკითხზე შემდეგში აღარ მოვისმენთ დემაგოგიურ განცხადებებს, რომ კომიტეტი არ განიხილავს ამ საკითხს. ხაზგასმით ვამბობ, რომ კომიტეტი მზად იყო საკითხის განსახილველად, თუმცა მომხსენებელი არ გამოცხადდა მის განსახილველად“, - განაცხადა ეკა ბესელიამ.