კომენტარი
სულ უფრო მცირე დრო რჩება იმისთვის, რომ პარტიის ერთიანობა გადარჩეს-აკაკი ბობოხიძე
ნაციონალური მოძრაობის წევრის აკაკი ბობოხიძის განცხადებით,სულ უფრო მცირე დრო რჩება იმისთვის, რომ პარტიის ერთიანობა გადარჩეს.
ამის შესახებ ბობოხიძემ მედიას პარტიის ოფისში განუცხადა, სადაც პოლიტსაბჭოს სხდომა უნდა გაიმართოს.
მისი თქმით, ამ ერთიანობის გადარჩენა მხოლოდ ერთ ადამიანს, ყოფილ პრეზიდენტს, მიხეილ სააკაშვილს შეუძლია.
„სამწუხაროდ, სულ უფრო მცირე დრო რჩება იმისთვის, რომ პარტიის ერთიანობა გადარჩეს და ამ ერთიანობის გადარჩენა, როგორც ჩანს, უკვე არის მხოლოდ ერთი კაცის შესაძლებლობაში. ეს არის ბატონი პრეზიდენტი მიხეილ სააკაშვილი და სწორედ მისი პასუხისმგებლობა იქნება და არავისი სხვისი, მოახერხებს თუ არა ნაციონალური მოძრაობა ერთიანობის შენარჩუნებას, იმიტომ, რომ მე უკვე ვეღარ ვხედავ ადამიანს ან ადამიანთა იმ ჯგუფს, მიხეილ სააკაშვილის გარდა, რომელიც შეძლებს პარტიის რღვევის შეჩერებას“,-აღნიშნა ბობოხიძემ.
დღეს, ნაციონალური მოძრაობის პოლიტსაბჭოს სხდომა უნდა გაიმართოს, რომელზეც 20 იანვარის ყრილობის საორგანიზაციო საკითხები უნდა იყოს განხილული.
თუმცა, დღეს, პარტიის პოლიტსაბჭოს ნაწილმა, 27-მა წევრა, განცხადება გაავრცელა, სადაც ნათქვამია, რომ ისინი დღევანდელ სხდომაში მონაწილეობას არ მიიღებენ.
სხდომის ჩატარებისთვის, კი პოლიტსაბჭოს მინიმუმ ნახევარი, ანუ 30 კაცია საჭირო.
მონიკა დავლიანიძე