პოლიტიკა

სუს-ის წარმომადგენელმა ჟენევის დისკუსიების მონაწილეებსა და არასამთავრობო ორგანიზაციების წარმომადგენლებს სიტყვით მიმართა

სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორის მოადგილე კახაბერ ქემოკლიძე შერიგებისა და სამოქალაქო თანასწორობის საკითხებში სახელმწიფო მინისტრის აპარატის ორგანიზებითა და გაერო-ს ქალთა ორგანიზაციის ფინანსური მხარდაჭერით ჟენევის დისკუსიების მონაწილეებსა და არასამთავრობო ორგანიზაციების წარმომადგენლებს შორის გამართულ მორიგ შეხვედრაზე სიტყვით გამოვიდა, _ აცნობეს მედიანიუსს სახელმწიფო უსაფრთხიების სამსახურიდან.

კახაბერ ქემოკლიძემ არასამთავრობო ორგანიზაციებს მიაწოდა ინფორმაცია ჟენევის საერთაშორისო დისკუსიების მიმდინარეობის შესახებ და ისაუბრა იმ პრობლემებსა და გამოწვევებზე , რომელიც ოკუპირებულ რეგიონებში, საოკუპაციო ხაზსა და მის მიმდებარე ტერიტორიებზე უსაფრთხოების და სტაბილურობის კუთხით არსებობს, რის შემდეგაც დისკუსია გაიმართა.

სახელმწიფო უსაფრთხოების სამსახური მუდმივად მონაწილეობს ჟენევის საერთაშორისო დისკუსიების პირველ სამუშაო ჯგუფში , სადაც მისი მანდატით გათვალისწინებულია ოკუპირებულ ტერიტორიებთან მიმართებაში ადგილზე არსებული უსაფრთხოების ვითარების მიმოხილვა.