მსოფლიო

ტაშს ვუკრავ დონალდ ტრამპს - ჯონ მაკეინი

ამერიკელმა სენატორმა ჯონ მაკეინმა საკუთარ ტვიტერზე დაწერა, რომ მხარს უჭერს აშშ-ის პრეზიდენტის, დონალდ ტრამპის გადაწყვეტილებას სირიის მთავრობის წინააღმდეგ სამხედრო მოქმედებების განხორციელების შესახებ. მან მადლობა გადაუხადა ფრანგ და ბრიტანელ მოკავშირეებს.

„ტაშს ვუკრავ პრეზიდენტს ასადის რეჟიმის წინააღმდეგ სამხედრო მოქმედებეების განხორციელებისთვის, ასევე ჩვენი ფრანგი და ბრიტანელი მოკავშირეების მადლობელი ვარ, რომ ამ ქმედებას შეუერთდნენ.იმისთვის, რომ გრძელვადიან პერსპექტივაში წარმატებას მივაღწიოთ, ჩვენ სირიისთვის და მთელი რეგიონისთვის ყოვლისმომცველი სტრატეგია გვჭირდება“, -დაწერა მაკეინმა.

ცნობისთვის, აშშ-ის, დიდი ბრიტანეთისა და საფრანგეთის სამხედრო ძალებმა წუხელ, სირიაში სამიზნეებზე ავიადარტყმები განახორციელეს.