უკან

პოლიტიკა

21 მარტი, 2018 13:45
font-size

თავდასხმა რუსთავი 2-ის ჟურნალისტებზე სიტყვის თავისუფლების შეზღუდვაა - ოპოზიციური პარტიები

10 პოლიტიკური პარტია გამოეხმაურა „ქართული მარშის“ აქტივისტების თავდასხმას რუსთავი 2-იუს ჟურნალისტებზე. პარტიებმა ეს ფაქტი სიტყვის თავისუფლების შეზღუდვად შეაფასეს, რომელიც მიმართულია ქვეყანაში სიტუაციის დესტაბილიზაციისკენ. პარტიებმა მოუწოდეს მთავრობას, კანონის სრული სიმკაცრით დასაჯოს დამნაშავეები.

„ჩვენ, განცხადებაზე ხელის მომწერი პოლიტიკური პარტიების წარმომადგენლები, ვეხმიანებით ტელეკომპანია რუსთავი 2-ის ჟურნალისტებზე ე.წ. ,,ქართული მარშის“ წევრებისა და სხვადასხვა რელიგიური ექსტრემისტრების მხრიდან(მათ შორის მართმადიდებელ მშობელთა კავშირი) 19 მარტს განხორციელებულ თავდასხმას და კატეგორიულად ვაცხადებთ, რომ ყოვლად მიუღებელი და დაუშვებელია სიტყვისა და გამოხატვის თავისუფლების შეზღუდვა, აგრეთვე, ჟურნალისტთა დაშინება და მათთვის საქმიანობაში ხელის შეშლა.

რეალურად რუსეთის სპეც.სამსახურების მხრიდან პირდაპირ თუ ირიბად მართული „რუსული მარშის“ წარმომადგენლები ამ ქმედებებით ბრძოლას უცხადებენ არა მხოლოდ ერთ კონკრეტულ, დამოუკიდებელ მედიასაშუალებას, არამედ, ქართულ სახელმწიფოსაც, რომლის ერთ-ერთი მთავარი მონაპოვარია ხსენებული სიტყვისა და გამოხატვის თავისუფლების მაღალი სტანდარტი.

ტელეკომპანიის ჟურნალისტისათვის მიყენებული ფიზიკური და სიტყვიერი შეურაცხყოფა, აგრეთვე, მისთვის უკანონოდ, ძალადობის გზით გადაადგილების თავისუფლების შეზღუდვა, ადასტურებს, რომ ძალადობის აქციის ორგანიზატორებს და მათ უკან მდგომ ძალებს სურთ ქვეყანაში ვითარების დესტაბილიზაცია და მათთვის მისაღებია ყველა აზრისა თუ პოზიციის მხოლოდ ძალისმიერი გზით აღკვეთა.

ამ პირობებში განსაკუთრებით მნიშვნელოვანი იყო და არის ზოგადად ხელისუფლების და მისი ცალკეული წარმომადგენლების მყარი და ურყევი პოზიცია, რომელიც დაადასტურებდა მათ ერთგულებას ღირებულებებისადმი. სამწუხაროდ, ხელისუფლების ცალკეული წარმომადგენლები, საკუთარი ყოვლად უპასუხისმგებლო განცხადებებით, არათუ ემიჯნებიან ძალადობას, არამედ, რუსეთიდან მართულ ჯგუფებს აქეზებენ დამატებითი აგრესიის განხორციელებისათვის.

ჩვენ, ქვემორე განხადებაზე ხელის მომწერი პარტიების წარმომადგენლები, მოვუწოდებთ ხელისუფლებას, რომ მან მკაცრად შეაფასოს ნებისმიერი ამგვარი ძალადობრივი აქტი და უპირველეს ყოვლისა დადგეს კანონის სადარაჯოზე.

აღნიშნული ფაქტი არის სიტყვისა და გამოხატვის თავისუფლების პირდაპირი შეზღუდვა და მიზნად ისახავს დამოუკიდებელი მედიასაშუალების, მისი ჟურნალისტების დაშინებასა და ჟურნალისტური საქმიანობის ხელის შეშლას.

ჩვენ, ქვემოთ ხელმომწერი პოლიტიკური პარტიები მივმართავთ ხელისუფლებას და მოვითხოვთ: მოახდინოს უმკაცრესი რეაგირება ჟურნალისტებზე თავდისხმის ფაქტზე და კანონის სრული დაცვით დაისაჯონ დამნაშავეები“, - ნათქვამია განცხადებაში,რომელსაც ხელს აწერენ: ახალი საქართველო, ევროპელი დემოკრატები, ევროპული საქართველო - მოძრაობა თავისუფლებისთვის, ერთიანი ნაციონალური მოძრაობა, ეროვნულ-დემოკრატიული პარტია, თავისუფალი დემოკრატები, ლეიბორისტული პარტია, მოძრაობა სახელმწიფო ხალხისთვის, რესპუბლიკური პარტია, სამოქალაქო ალიანსი თავისუფლებისთვის.

ორშაბათს „ქართული მარშის“ აქტივისტები სანდრო ეულის ქუჩაზე მდებარე რუსთავი 2-ის შენობასთან შეიკრიბნენ. ისინი აპროტესტებდნენ გიორგი გაბუნიას შესავალ სიტყვას, რომელშიც იესო ქრისტე იყო ნახსენები. გაბუნიამ შეეხეო ხეების მოჭრასა და გადატანის ფაქტებს: „მე ვფიქრობ, რომ იესო ქრისტემ საშინელი შეცდომა დაუშა, როდესაც 2000 წლის წინ ისრაელში მოვიდა. უნდა მოსულიყო აჭარაში და ჯვარზე ვეღარ გააკრავდნენ იმიტომ, რომ ხე აღარ იქნებოდა დარჩენილი, რადგან ბიძინამ ყველა ხე თავის ეზოში გადარგო“. „ქართული მარშის“ წევრების განცხადებით, ნათქვამმა მათი რელიგიური გრძნობები შეურაცხყო.

აქციის დროს „ქართული მარშის“ წევრებმა ალყა შემოარტყეს მანქანას, რომელშიც იმყოფებოდნენ ჟურნალისტი გიორგი გაბუნია და არხის იურისტი თამთა მურადაშვილი. რუსთავი 2-ის ინფორმაციით, შეკრებილებმა მანქანა დააზიანეს, ასევე თავს დაესხნენ ჟურნალისტ დავით ერაძეს.

ტელეკომპანიის შენობასთან მომხდარი ძალადობის გამო „ქართული მარშის“ 6 აქტივისტი დააკავეს სსკ-ის 166-ე და 173-ე მუხლებით.

შსს-მ მომხდარ ფაქტზე გამოძიება სსკ-ის 126-ე მუხლით დაიწყო, რაც ძალადობას გულისხმობს. ინციდენტის დროს დაზიანდა ტელეკომპანიის ერთ-ერთი თანამშრომლის კუთვნილი ავტომანქანა, რაზეც გამოძიება სხვისი ნივთის ან ქონების დაზიანების ფაქტზე, სსკ-ის 187-ე მუხლით დაიწყო.

გაბუნიას ნათქვამი გააკრიტიკა საპატრიარქომაც, თუმცა ჟურნალისტმა აღნიშნა, რომ საბოდიშო არაფერი არ აქვს.

50 მილიონი რომ გამქრალია თბილისის ბიუჯეტიდან ამაზე არავინ ვდავობთ, ამიტომ დააბრუნეთ - ბექა დავითულიანი

18 თებერვალი, 2020 , 19:33

თბილისის საკრებულოს სხდომაზე ფრაქცია „ქართული ოცნება-დემოკრატიული საქართველოს“ თავმჯდომარე ბექა დავითულიანი ბოლო პერიოდში განვითარებულ მოვლენებს გამოეხმაურა. საკრებულოს ინფორმაციით, ბექა დავითულიანმა თბილისის

საქართველოს პრეზიდენტი მალაიზიის პარლამენტის წარმომადგენელთა პალატის თავმჯდომარეს შეხვდა

18 თებერვალი, 2020 , 16:50

საქართველოს პრეზიდენტი მალაიზიის პარლამენტის წარმომადგენელთა პალატის თავმჯდომარეს, ტან სრი დატო მოჰამად არიფ მდ. იუსოფის შეხვდა, რომელიც საქართველოში წარმომადგენელთა პალატის დელეგაციასთან ერთად, სამდღიანი ოფიციალური ვიზი

მზად ვართ, ცალკეულ პარტიებთან შეხვედრები გავმართოთ და ვიმსჯელოთ საარჩევნო სისტემაზე - კახა კალაძე

18 თებერვალი, 2020 , 16:30

მზად ვართ, შევხვდეთ ოპოზიციურ პარტიებს, სხვადასხვა ცალკეულ პარტიებთან გავმართოთ შეხვედრები და ვიმსჯელოთ საარჩევნო სისტემაზე, – ამის შესახებ დედაქალაქის მერმა, კახა კალაძემ ჟუნრლისტებს განაცხადა. „დიალოგი არის

კელი დეგნანი ოპოზიციის წარმომადგენლებს შეხვდა

18 თებერვალი, 2020 , 16:30

საქართველოში აშშ-ის ელჩი კელი დეგნანი ოპოზიციის წარმომადგენლებს შეხვდა. „დღეს ელჩმა დეგნანმა ოპოზიციის ლიდერებს გასაცნობად და საქართველოს პოლიტიკურ გარემოზე სასაუბროდ უმასპინძლა. ელჩმა დეგნანმა, კიდევ ერთხელ, ხაზი

პარლამენტში არ არის იმ ადამიანების ადგილი, რომლებიც საბჭოთა კავშირის და რუსეთის ჰიმნს ხელით და გულით ატარებენ - ირაკლი კობახიძე

18 თებერვალი, 2020 , 16:05

„საქართველოს პარლამენტში არ არის იმ ადამიანების ადგილი, რომლებიც საბჭოთა კავშირის და რუსეთის ჰიმნს ხელით და გულით ატარებენ, "- ამის შესახებ საპარლამენტო უმრავლესობის წევრმა ირაკლი კობახიძემ "ევროპული საქართველოს" წ

პარლამენტმა გენერალურ პროკურორად ირაკლი შოთაძე დაამტკიცა

18 თებერვალი, 2020 , 16:05

საქართველოს გენერალური პროკურორი ირაკლი შოთაძე გახდა. საკანონმდებლო ორგანომ გენერალური პროკურორის თანამდებობაზე ირაკლი შოთაძე დღევანდელ პლენარულ სხდომაზე დაამტკიცა. ირაკლი შოთაძეს მხარი 82 დეპუტატმა დაუჭირა, წინააღმდეგ ა

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`