უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
საზოგადოება
თბილისის მერია ხელს უწყობს და კვლავაც შეუწყობს სტრიტ არტის განვითარებას - კახა კალაძე
თბილისის მერის, კახა კალაძის თქმით, ვრცელდება არასწორი ინფორმაცია, თითქოს სტრიტ არტის შემქმნელების მიმართ ჯარიმების შემოღება იგეგმება.
კვირის შემაჯამებელ ვიდეომიმართვაში დედაქალაქის მერმა ისაუბრა კანონპროექტზე შენობა-ნაგებობების კედლებზე საარჩევნო მასალისა და სხვა სახის ინფორმაციის განთავსების წესის შესახებ.
როგორც კალაძემ აღნიშნა, სწორედ მათ მიერ ინიცირებული ამ კანონპროექტის არასწორი ინტერპრეტაცია ხდება.
კახა კალაძე განმარტავს, რომ კანონპროექტის მიზანი შენობა-ნაგებობებზე წლობით არსებული ძველი პოსტერებისა და განცხადებების ნარჩენების პრობლემის გადაჭრაა.
„ათეულობით წელია, თბილისის იერსახეს პირველ რიგში, ძეგლის სტატუსიან შენობებს და ეს არ ეხება მხოლოდ ისტორიულ ძეგლებს, ზოგადად, შენობა-ნაგებობებს ამახინჯებს წლობით მიკრული პლაკატები, განცხადებები და სხვა სახის მასალა. ნებისმიერმა თქვენგანმა შეიძლება ნახოს უკვე არარსებული პარტიების პოსტერებიც კი, არარსებული დაწესებულებების სარეკლამო განცხადებების ნარჩენები. მე მგონია, რომ ეს არის სერიოზული პრობლემა.
როდესაც ამ კანონპროექტზე დავიწყეთ მუშაობა, დეტალურად გავიარეთ, ამაში პარლამენტიც ჩართული იყო. ჩვენი ინიცირებულია ეს ცვლილებები და მადლობელი ვარ პარლამენტის, რომ ამ თემას მიაქცია ყურადღება. მალე გვექნება საერთაშორისო სტანდარტის შესაბამისი კანონი, რომელიც ჩვენი ქალაქების სილამაზესა და სისუფთავეს შეუწყობს ხელს“, – განაცხადა კახა კალაძემ.
მისი თქმით, თბილისის მერია ხელს უწყობს და კვლავაც შეუწყობს სტრიტ არტის განვითარებას.
„არასწორი ინტერპრეტაცია ხდება ამ კანონის ფარგლებში, თითქოს ჩვენ ვართ წინააღმდეგი სტრიტ არტების და ამ მიმართულებით იქნება ჯარიმები. გულდასაწყვეტია, რომ მედიასაშუალებებიდან ბევრს შეიძლება, არც კი ჩაუხედავს, ამ კანონში რაზეა საუბარი და არასწორი ინფორმაცია ვრცელდება. ეს არის ტყუილი ინფორმაცია, არასწორად ხდება ამ კანონის ინტერპრეტაცია.
ჩვენ პირიქით, ვართ ადამიანები, ვინც ხელს უწყობს სტრიტ არტის განვითარებას და ძალიან ბევრი საინტერესო პროექტი განხორციელდა, ჩვენ მხოლოდ და მხოლოდ მადლობელი ვართ იმ ახალგაზრდების, ვინც უღიმღამო მიწისქვეშა თბილისი გაახალისა თავისი ნახატებით, თავისი კრეატიულობით, შემოქმედებით“, – აღნიშნა კახა კალაძემ.