საზოგადოება

თბილისში ლაბორატორიულად დადასტურებული გრიპის პირველი შემთხვევა დაფიქსირდა

თბილისში, ლაბორატორიულად დადასტურებული, გრიპის ვირუსით დაინფიცირების პირველი შემთხვევა დაფიქსირდა, რაც იმას ნიშნავს, რომ მსგავსი შემთხვევები იმატებს.

ამის შესახებ მედიას დაავადებათა კონტროლის ეროვნული ცენტრის ხლმძღვანელმა ამირან გამყრელიძემ განუცხადა.

მისი თქმით, სახელმწიფომ გრიპის საწინააღმდეგო პროფილაქტიკისთვის 20 ათასი ვაქცინა შეიძინა.

„წელს სახელმწიფომ 20 ათასი დოზა ვაქცინისა შეიძინა და მიმდინარეობს, ე.წ ყველაზე მოწყვლად ჯგუფებში იმუნიზაცია. დღევანდელი რიცხვით, უკვე 65% ამ სამიზნე პოპულაციისა აცრილია. გრიპის სეზონი, ზოგადად, ოქტომბრის ბოლოდან იწყება ხოლმე ევროპაშიც. ჩვენთან ეს ოდნავ მოგვიანებით არის. გუშინ, დაფიქსირდა პირველი, ლაბორატორიულად დადასტურებული გრიპის შემთხვევა. ეს იმას მნიშნავს, რომ თანდათან ეს შემთხვევები მოიმატებს“,-აღნიშნა გამყრელიძემ.

მონიკა დავლიანიძე