პოლიტიკა
თბილისში უკრაინის საელჩოსთან მიხეილ სააკაშვილის მხარდამჭერი აქცია იმართება
მიხეილ სააკაშვილის მიმართ უკრაინული სასამართლოს გადაწყვეტილების მოლოდინის ფონზე თბილისში, უკრაინის საელჩოსთან საქართველოს ყოფილი პრეზიდენტის მხარდამჭერი აქცია იმართება.
ადგილზე შეკრებულები არიან ნაციონალური მოძრაობის ლიდერები და მიხეილ სააკაშვილის მხარდამჭერები, რომლებიც აცხადებენ, რომ საქართველოს ყოფილი პრეზიდენტი პოლიტიკური ნიშნითაა დაკავებული.
ნაციონალური მოძრაობის წევრებმა უკრაინის საელჩოსთან მონიტორი დაამონტაჟეს, სადაც ისინი ადევნებენ თვალს უკრაინის სასამართლოში მიმდინარე პროცესს.
,,ჩვენ ვაპროტესტებთ უკრაინის საელჩოსთან უკრაინის ხელისუფლების და ოლიგარქ პოროშენკოს მიერ მიღებულ პოლიტიკურ გადაწყვეტილებას. მნიშვნელოვანია, რომ ჩვენ ყველა სცენარისთვის მზად ვართ, იმიტომ, რომ არ ვიცით, კუთხეში მიყენებული ოლიგარქები, რა გადაწყვეტილებას მიიღებენ. ცალსახად, შეგვიძლია ვთქვათ, რომ ამ პროცესს საერთო იურიდიულთან, სამართალთან არაფერი არ აქვს, ამიტომ ვერ ვაკეთებთ პროგნოზს. ყველას კარგად უნდა გვესმოდეს, რომ დღეს კიევში მიიღება პოლიტიკური გადაწყვეტილება“, - აცხადებს თბილისის საკრებულოს წევრი ,,ნაციონალური მოძრაობიდან“, ლევან ხაბეიშვილი.
ნინო ექვთიმიშვილი