სამართალი
თემურ ჭყონიას პროკურატურა თაღლითობაში ადანაშაულებს
ბიზნესმენ თემურ ჭყონიას საქართველოს მთავარი პროკურატურა თაღლითობაში ადანაშაულებს.
ამის შესახებ საუბარი იყო პირველი არხის გადაცემაში ,,ახალი კვირა,’’ რომლის წამყვანმა, იმედა დარსალიამ მაყურებელს პროკურატურის შესაბამისი დასკვნა გააცნო.
თაღლითურ სქემაში პროკურატურის დადგენილების მიხედვით, საქართველოს ეროვნული ბანკის ვიცე-პრეზიდენტი მურთაზ კიკორიაც ფიგურირებს.
დანაშაული მძიმე კატეგორიისაა და ექვსიდან ცხრა წლამდე თავისუფლების აღკვეთას ითვალისწინებს.
თურქი ბიზნესმენის ალი თურგაი იეტიშის განცხადებით, ქართველმა პარტნიორმა ბანკის წილები თაღლითურად წაართვა, რის შედეგადაც, მან რამდენიმე მილიონია ზარალი მიიღო. ინვესტორი ირწმუნება, რომ თემურ ჭყონიამ დოკუმენტები გააყალბა და უცხოელი ინვესტორების საკონტროლო პაკეტს - 65 %-ს დაეუფლა. მისივე თქმით, თაღლითურ სქემაში ჭყონიას ქართველი პარტნიორი მურთაზ კიკორიაც მონაწილეობდა.
ფაქტი, რომელზეც თურქი ბიზნესმენი საუბრობს, მისივე ინფორმაციით, 2000 წელს მოხდა.
თურქი ინვესტორის ადვოკატის მტკიცებით, მათ მიერ 2009 წელს შეტანილი საჩივარი პროკურატურიდან გაქრა.