პოლიტიკა

წელს პრინციპულად განსხვავებული არჩენვები ტარდება- თინა ხიდაშელი

დავით უსუფაშვილი-რესპუბლიკელების ზესტაფონის მაჟორიტარი დეპუატობის კანდიდატ თინა ხიდაშელის განცხადებით, საქართველოში ახლა არსებულ წინასაარჩევნო ვითარებასთან ახლოსაც კი ვერ მივა ის ვითარება, რაც სხვა არჩევნების დროს არსებობდა.

ამის შესახებ ხიდაშელმა პრესკონფერენციაზე განაცხადა.

„ოპოზიციაში ყოფნა არ ნიშნავს, რომ უკლებლივ ყველაფერზე, მართალია, თუ არ არის მართალი, ისაუბრო. ოპოზიციაში ყოფნა ნიშნავს, არგუმენტირებულად დაამტკიცო, რომ შენ უფრო უკეთეს გზას სთავაზობ ქვეყანას, ვიდრე ის, ვინც იმ მომენტისთვის ხელისუფლებაში“,-აღნიშნა ხიდაშელმა.

მისივე თქმით, შეგვიძლია, ვიდავოთ ისეთ საკითხებზე, როგორიც არის ხელისუფლების წარმომადგენლების, მათ შორის მინისტრების სამუშაო დროს საარჩევნო კამპანიაში მონაწილების შესახებ.

„შეგვიძლია, ვისაუბროთ იმაზე, რაც ხდება „ქართული ოცნების“ მხრიდან პრემიერ-მინისტრის და არა პარტიის თავმჯდომარის ჩართულობით. ის ერთი და იგივე ადამიანია, მაგრამ ის მოქმედებს პრემიერის რანგში და არა როგორც პარტიის თავმჯდომარე. მაგრამ, კიდევ ერთხელ ხაზგასმით ვამბობ, ეს ახლოსაც კი ვერ მივა იმასთან, რაც ამ ქვეყანას წლების განმავლობაში უნახავს. ამ თვალსაზრისით შემიძლია, გითხრათ, რომ წელს პრინციპულად განსხვავებული არჩევნები ტარდება.

არის ადმინისტრაციული რესურსის გამოყენება, მაგრამ ეს არის დასაშვებ ზღვარზე“,-აღნიშნა თინა ხიდაშელმა.

მონიკა დავლიანიძე