რეგიონები

წეროვანთან მომხდარი ავარიის დროს დაშავებული მამაკაცი გარდაიცვალა

წეროვანთან მომხდარი ავტოსაგზაო შემთხვევის დროს დაშავებულთაგან ერთი პირი გარდაიცვალა.

მცხეთის ახალი სამედიცინო ცენტრის მედიკოსების განცხადებით, ექიმებმა 29 წლის მამაკაცის გულის ამუშავება სცადეს, თუმცა უშედეგოდ.

ექიმების ინფორმაციით, მძიმეა კიდევ ერთი პაციენტის მდგომარეობა. მას ოპერაცია უტარდება.

თბილისი-ქსნის მიმართულებით მოძრავ სამგზავრო მიკრო ავტობუსს სატვირთო ტრაილერი შეეჯახა, რის შედეგადაც 19 ადამიანი დაშავდა.

თვითმხილველების ნაწილის თქმით, ტრაილერის მძღოლს სავარაუდოდ, საბურავი გაუსკდა, რის გამოც საჭე ვერ დაიმორჩილა. მეორე ვერსიის მიხედვით, კი ტრაილერის მძღოლს ჩაეძინა, რაც უბედური შემთხვევის მიზეზი გახდა.

შინაგან საქმეთა სამინისტროს ინფორმაციით, მომხდარზე გამოძიება 276-ე მუხლის პირველი ნაწილი დაიწყო, რაც სატრანსპორტო საშუალების ექსპლუატაციის წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.