უახლესი ამბები
- 26.04.2024 12:22საქართველოს ევროინტეგრაცია ვერც მიხეილ სააკაშვილის თავისუფლებაზე და ვერც ივანიშვილის დასანქცირებაზე ან ვიღაცების დასანქცირებაზე ვერ გაივლის -გიორგი გახარია
- 26.04.2024 11:41საქართველოს ბანკის მხარდაჭერით G&A ჯგუფი საწარმოო ხაზსა და სიმძლავრეებს აფართოებს
- 26.04.2024 08:54ვეღარ ვივლით ევროპაში უვიზოდ, როდესაც ქვეყანას, რუსული წესებით მართავს რუსული ხელისუფლება - ნიკა მელია
არქივი
პოლიტიკა
წესითა და რიგით დემოკრატიულ ქვეყანაში ასეთი კატასტროფული კრიზისის დროს რეალური რეაგირება არის მთავრობის გადადგომა - ნატო ჩხეიძე
დეპუტატი ნატო ჩხეიძე გამოეხმაურა საქართველოს პრეზიდენტის მიმართვას მთავრობის საგანგებო სხდომის მოწვევის შესახებ. ჩხეიძის თქმით, ქვეყანაში შექმნილი სიტუაციიდან გამომდინარე საჭიროა ვადამდელი საპარლამენტო არჩევნების ჩატარება.
„საზოგადოება შეშფოთებულია, განაცხადა დღეს საქართველოს პრეზიდენტმა და ქვეყნის მთავრობისგან რეაგირება მოითხოვა.
რეალური რეგირება.
როცა ერთობ უკმარია ვითომ თვითდამამშვიდებელი და თავისმოსატყუებელი ფრაზები:
სისულელეა,
ღიმილის მომგვრელია,
სპექტაკლია,
ექშენი აკლია...
წესითა და რიგით დემოკრატიულ ქვეყანაში ასეთი კატასტროფული კრიზისის დროს რეალური რეაგირება არის - მთავრობის გადადგომა.
ეს დემოკრატიულ ქვეყანაში.
ჩვენი სამშობლო ძალიან შორს არის დემოკრატიისგან.
რადგან აქ, ჩვენში დაცული არ არის კონსტიტუციით გარანტირებული, ადამიანის ორი მთავარი უფლება- სიცოცხლის უფლება და საკუთრების უფლება.
რადგან ეს ჩვენი მთავრობაც,
ჩვენივე პარლამენტის თავმჯდომარის მსგავსად, კოლექტიური ბახჩო ქობულოვია, დავალებების შემსრულებელი, უზურპატორული დავალებების უსიტყვო და მონდომებული შემსრულებელი ბახჩო ქობულოვი.
და არსებული ფორმალური, მარიონეტული მთავრობის გადადგომაც კი მხოლოდ ფორმალობა იქნება, ცოტა ხნის წინ მთავარი პროკურირის გადადგომისა არ იყოს.
აბა, სად და როგორ უნდა გადადგეს არასახელისუფლო მმართველობა?
ის, ვინც რეალურად მართავს არსებულ მთავრობას, ხელუსუფლების მმართველ ძალას, -
სად და როგო გადადგეს ქვეყნის რეალური მმართველი- ივანიშვილის მაფიოზურ- კლანური დაჯგუფება?..
ამის ერთადერთი კონსტიტუციური გზა არსებობს- ვადამდელი საპარლამენტო არჩევნები.
არარეალურად და ილუზორულად ნუ მოგეჩვენებათ...
საზოგადოება შეშფოთებულიაო, ბრძანა ქვეყნის პრეზიდენტმა,
და უფრო მეტიც, მოსახლეობა აღშფოთებული და განრისხებულია...
და ასეთ დროს ქვეყნის ადეკვატური რეაგირება სწორედ ეს არის- ვადამდელი არჩევნები“, - დაწერა ჩხეიძემ ფეისბუკის საკუთარ გვერდზე.
საქართველოს პრეზიდენტმა გიორგი მარგველაშვილმა პრემიერ-მინისტრ მამუკა ბახტაძეს მთავრობის სხდომის მოწვევის ინიციატივით მიმართა. პრეზიდენტის თქმით, ის სხდომაზე დასწრებას აპირებს, სადაც დააყენებს სახელმწიფო ინსიტუტების ეფექტური ფუნქციონირების, ასევე მოქალაქეთა უფლებებისა და თავისუფლებების დაცვის საკითხებს.