უახლესი ამბები
არქივი
პოლიტიკა
წინა ხელისუფლების „სიკვდილის ბრიგადებზე“ მხოლოდ მას შემდეგ დაიწყო საუბარი, როცა თანამდებობიდან გაათავისუფლეს - მეგი გოცირიძე გოგა ხაინდრავაზე
„ერთიანი ნაციონალური მოძრაობის“ წევრმა მეგი გოცირიძემ გოგა ხაინდრავასა და წინა ხელისუფლებას შორის კონფლიქტის გაჩენის მიზეზებზე ისაუბრა. როგორც მან ფეისბუკის საკუთარ გვერდზე დაწერა, დაპირისპირება 2006 წელს დაიწყო, როცა ხაინდრავასთვის მოულოდნელად ის საქართველოს სახელმწიფო მინისტრის პოსტიდან გაათავისუფლეს.
„იცით თუ არა, რომ გოგა ხაინდრავა სააკაშვილის ხელისუფლების მთავრობიდან თავისი ნებით არ წასულა?
2006 წლის ივლისში, როცა შეიტყო, რომ თანამდებობიდან გადააყენეს იმის გამო, რომ კოკოითთან ერთად ნარკოტიკების დამამზადებელი ფაბრიკის გახსნას აპირებდა და იმის გამო, რომ ჩოჩიევის კაბინეტში „პერედოზიროვკისგან“ კინაღამ სული განუტევა, მინისტრმა ხაინდრავამ, რომელიც უკმაყოფილებას ვერ მალავდა და მთავრობაში მიღებული გადაწყვეტილების მოტივაციას კითხულობდა... ეს ფაქტი მაშინ ხელისუფლების პირველმა პირებმა დამალეს, მაგრამ მინისტრობიდან გადააყენეს!
იმის შიშით, რომ სააკაშვილს არ გაეხმაურებინა ეს ფაქტი, იქეთ დაესხა ხელისუფლებას თავს და „სიკვდილის ბრიგადებზე“ მხოლოდ მას შემდეგ დაიწყო საუბარი!
გახმაურებული საქმეების უმეტესობა, რომელთა გამოც გოგა ხაინდრავა „ნაციონალური მოძრაობის“ გასამართლებას მოითხოვს, ხელისუფლებაში მისი ყოფნის პერიოდს უკავშირდება.
იხ. ჩანაწერი, რომელიც 2006 წელს, რუსთავი 2-ის ეთერში გასული რეპორტაჟიდანაა და რომელიც ეხებოდა გოგა ხაინდრავას სახელმწიფო მინისტრის პოსტიდან გათავისუფლებას...“, - დაწერა გოცირიძემ.
გოგა ხაინდრავა სახელმწიფო მინისტრის თანამდებობაზე 2004 წელს დაინიშნა.