უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
არქივი
პოლიტიკა
წმინდა სინოდი აშკარად დადგა რუსეთის მართლმადიდებელი ეკლესიის მხარეს - გოჩა მირცხულავა უკრაინის ეკლესიის ავტოკეფალიის საკითხზე
საზოგადოებრივ და პოლიტიკურ ურთიერთობათა აკადემიის დირექტორის, გოჩა მირცხულავას განცხადებით, საქართველოს საპატრიარქოს პოზიცია უკრაინის ეკლესიისთვის ავტოკეფალიის მინიჭების საკითხზე მიანიშნებს იმაზე, რომ წმინდა სინოდი დადგა რუსეთის მართლმადიდებელი ეკლესიის მხარეს.
„საქართველოს წმინდა სინოდში მძლავრია პრორუსული ფრთა, ეს ერთი. მეორე, არაფერია ნათქვამი უკრაინის ავტოკეფალიასთან დაკავშირებით და ამავდროულად საუბარია იმაზე, რომ უკრაინაში ვითარება არის დაძაბული და გახლეჩილია იქ ერი, მრევლი და ა.შ. მესამე უმნიშვნელოვანესი მომენტი გახლავთ ის, რომ საქართველოს წმინდა სინოდი, როგორც ყოველთვის, უმნიშვნელოვანესი ისტორიული გადაწყვეტილებების და საკვანძო მომენტების დროს გაექცა პასუხისმგებლობას რეალურად და ამ შემთხვევაში გაექცაზე უარესი გააკეთა, ის აშკარად დადგა რუსეთის მართლმადიდებელი ეკლესიის მხარეს. ეს არის აბსოლუტურად უგონო გადაწყვეტილება, ეს არის არაგონივრული როგორც ისტორიულ, ასევე სახელმწიფოებრივ პრიზმაში და ეს არის დიდი სირცხვილი საქართველოს მართლმადიდებელი ეკლესიისთვის“,- განაცხადა მირცხულავამ.
ცნობისთვის, წმინდა სინოდის განჩინების თანახმად, წმინდა სინოდი უკრაინის ეკლესიაში მიმდინარე პროცესებზე მსჯელობას შემდეგ სხდომაზე გააგრძელებს.
განჩინების თანახმად, სრულიად საქართველოს კათოლიკოს- პატრიარქი უკრაინაში მიმდინარე პროცესებზე, ასევე კონსტანტინოპოლისა და სრულიად რუსეთის საპატრიარქოს შორის არსებულ ურთიერთობებზე მწუხარებას გამოხატავს.
„მინდა, თქვენი ყურადღება მივაქციო იმას, რაც მოხდა უკრაინაში, კონსტანტინოპოლისა და სრულიად რუსეთის საპატრიარქოებს შორის. უკრაინაში უკიდურესად დაიძაბა სიტუაცია, არ არის ერთი აზრი, ერთსულოვნება. რუსეთის ეკლესიამ შეწყვიტა მსოფლიო პატრიარქის მოხსენიება, გაწყვიტა ევქარისტიული კავშირი. მსოფლიო საპატრიარქომ დაიწყო პროცედურები უკრაინისთვის ავტოკეფალიის მინიჭებისათვის, რითაც უფრო გაღრმავდა არსებული კრიზისი, რაც მწუხარებას იწვევს ჩვენში. ეკლესიას ისტორიის მანძილზე ჰქონია მრავალი განსაცდელი და ღვთის მადლით დაუძლევია. იმედს გამოვთქვამთ, რომ ღვთის ძალით აღდგება ძმური ერთობა ეკლესიებს შორის“, - აღნიშნა სრულიად საქართველოს კათოლიკოს-პატრიარქმა.