კომენტარი

,,წუხელ წერტილი დაესვა ყველანაირ იმედს, რომ ვინმეს სიკეთის მცირედი ნატამალი მაინც გააჩნია საპატრიარქოში”

ე.წ. ციანიდის საქმეზე მსჯავრდებული დეკანოზი გიორგი მამალაძე წინასწარი დიაგნოზით – ჰიპერტონული კრიზი, ტვინის ტრანზიტორული ტიპის იშემიური შეტევა, გუშინ ღუდუშაურის კლინიკაში გადაიყვანეს.

დეკანოზის ძმამ, თორნიკე მამალაძემ, რომელიც მესამე კვირაა აქციებს მართავს საპატრიარქოსთან, ცოტა ხნის წინ ფეისბუქში დაწერა:

,,წუხელ წერტილი დაესვა ყველანაირ იმედს, რომ ვინმეს სიკეთის მცირედი ნატამალი მაინც გააჩნია საპატრიარქოში. წინა კვირის აქციის საპასუხოდ ნიშნისმოგებით შემომითვალეს, რომ ოცდაათკაციანი აქციით ვერაფერს მივაღწევ.

გუშინ ჩემი ძმა ბეწვზე გადაურჩა სიკვდილს. ექიმმა მითხრა, ახალგაზრდა რომაა, იმიტომ გადარჩა, მაგრამ იგივე შეტევას მეორედ ვეღარ გადაიტანს, ძალიან დასუსტებული ორგანიზმი აქვსო.

კლავენ, ხალხო, ეს ნაძირლები. მესამე კვირაა, კარავში ვცხოვრობ. რა გავაკეთო, აღარ ვიცი. ნუთუ ვერაფრით ვუშველი ჩემს უდანაშაულო ძმას?! მაგას რომ რამე მოუვიდეს, ცხოვრებას ვერ გავაგრძელებ”.- წერს დეკანოძის ძმა.