რეგიონები

წვიმის გამო ფოთში რამდენიმე ქუჩა დაიტბორა

ფოთში ძლიერი წვიმის შედეგად რამდენიმე ქუჩა დაიტბორა.

გადაადგილება უჭირთ როგორც ქვეითად მოსიარულეებს, ისე მსუბუქ ავტომანქანებს.

მოსახლეობა შიშობს, რომ წყალი ეზოებშიც შეაღწევს.

თუმცა, ქალაქის ვიცე მერის, ლევან ჩოჩიას ინფორმაციით, წყალი საცხოვრებელ სახლებში არ შესულა.

მისივე თქმით, ყველა სატუმბი სადგური გამართულად მუშაობს, მაგრამ უხვი ნალექის გამო წყალი გადინებას ვერ ასწრებს. ,,მერიის შესაბამისი სამსახურები საგანგებო რეჟიმში მუშაობენ. ისინი ქალაქის მთელ ტერიტორიაზე პატრულირებენ და ვითარებას ადგილზე ეცნობიან“, - აღნიშნა ლევან ჩოჩიამ.

მისი ინფორმაციით ქალაქს ელექტროენერგია და გაზი შეუფერხებლად მიეწოდება.

ნინო ექვთიმიშვილი