უკან

უახლესი ამბები

დღის კალენდარი

ანონსები

არქივი

პოლიტიკა

15 დეკემბერი, 2017 13:50
font-size

თუ მე-18 მუხლში ეს ცვლილებები შევა, კიდევ უფრო გართულდება ინფორმაციაზე წვდომა - სულხან სალაძე

კონსტიტუციის მე-18 მუხლში, რომელიც საჯარო ინფორმაციის ხელმისაწვდომობის უფლებას ეხება, დაგეგმილ ცვლილებებს არ ეთანხმება ახალგაზრდა იურისტთა ასოციაციის თავმჯდომარე სულხან სალაძე.

სალაძის შეფასებით, იუსტიციის სამინისტროს მიერ შემოთავაზებული ინიციატივა გაართულებს საჯარო ინფორმაციის გამოთხოვების პროცედურას.

„ზოგადად, კონსტიტუციაში ცვლილების შეტანა, ამ შემთხვევაში მე-18 მუხლში იმ ფორმით, რასაც იუსტიციის სამინისტრო გვთავაზობს, არის მიუღებელი. ერთი, რომ ეს პროცესები დაიწყო მიმდინარე კვირაში და უცებ ვიგებთ, რომ დამატებით შეაქვთ პირობები და ეს ნორმაც უნდა შეიცვალოს. ახლა ვიგებთ, ღამით შეკრებილან და გადაუწყვეტიათ, რომ ალტერნატიული შემოთავაზება იყოს.

უპირველეს ყოვლისა, მინდა, აღვნიშნო, რომ კონსტუტუცია არ არის იმ ტიპის კანონი, სადაც ერთ ღამეში შეიძლება ცვლილების შეტანა. მეორე მხრივ, ის შემოთავაზება, რაც ჩვენთვის ცნობილია, აბსოლუტურად მიუღებელია. ის აუარესებს არსებულ სტანდარტებს, დაბლა წევს ინფორმაციის ხელმისაწვდომობის არსებულ რეგულაციებს და ტოვებს ძალიან ბევრ საშუალებას იმისა, რომ ბუნდოვან პირობებში სახელმწიფოს სტრუქტურებმა და თვითმმართველობებმა ინფორმაციის გაცემა ბევრად უფრო პრობლემური გახადონ, ვიდრე დღემდე არის. ახლაც არის პრობლემები ინფორმაციის მოპოვებასთან დაკავშირებით და შემიძლია ღიად ვთქვა, თუკი ამ ფორმით იქნება მიღებული მე-18 მუხლი, კიდევ უფრო გართულდება ინფორმაციაზე წვდომა“, -თქვა სალაძემ ჟურნალისტებთან.

ახალ რედაქციაში, რომელსაც იურიდიული კომიტეტის საპარლამენტო სხდომაზე განიხილავენ, საჯარო ინფორმაციის გაცემაზე უარის თქმის საფუძველი ასეა ფორმულირებული: „ყველას აქვს უფლება კანონით დადგენილი წესით გაეცნოს საჯარო დაწესებულებებში მასზე არსებულ ან სხვა ინფორმაციას ან ოფიციალურ დოკუმენტს, გარდა იმ შემთხვევისა, როცა ის შეიცავს კომერციულ, პროფესიულ საიდუმლოებას ან დემოკრატიულ საზოგადოებაში აუცილებელი სახელმწიფო ან საზოგადოებრივი უსაფრთხოების ან სამართალწარმოების ინტერესების დასაცავად კანონით ან კანონით დადგენილი წესით აღიარებულია სახელმწიფო საიდუმლოებად“.

ანა მებურიშვილი

საქართველოს აქვს ამბიციური გეგმები განათლების სექტორში - როს უილსონი

15 თებერვალი, 2019 , 16:40

საქართველოს განათლების, მეცნიერების, კულტურისა და სპორტის მინისტრმა მიხეილ ბატიაშვილმა და მინისტრის მოადგილემ ირინა აბულაძემ აშშ-ს ელჩის მოვალეობის შემსრულებელთან, როს უილსონთან ერთად განათლების სისტემის კომპლექსური რეფო

პარლამენტის დელეგაცია ქუვეითის ეროვნული ასამბლეის თავმჯდომარეს შეხვდა

15 თებერვალი, 2019 , 16:10

საქართველოს პარლამენტის დელეგაცია, რომელსაც უმრავლესობის ლიდერი არჩილ თალაკვაძე ხელმძღვანელობს, ქუვეითში სამუშაო ვიზიტის ფარგლებში, ქუვეითის ეროვნული ასამბლეის (პარლამენტის) თავმჯდომარეს, მარზუკ ალი ალ გჰანიმს შეხვდა. მხ

მოვითხოვთ: საქართველოს მთავრობამ არ გააფორმოს ახალი ხელშეკრულება წამგებიანი პირობებით - ოთარ სირაძე

15 თებერვალი, 2019 , 13:35

უკვე თვენახევარია, რაც ამოიწურა ხელშეკრულების ვადა, „გაზპრომსა” და ქართულ მხარეს შორის, რუსეთიდან საქართველოს გავლით სომხეთში გაზის ტრანსპორტირების შესახებ, - ამის შესახებ დღეს გამართულ ბრიფინგზე გაერთიანებულ

იუსტიციის სამინისტროსა და „ევროჯასტს“ შორის თანამშრომლობის შეთანხმება გაფორმდება

15 თებერვალი, 2019 , 12:33

ევროპარლამენტმა 2019 წლის 14 თებერვალს პლენარულ სესიაზე კენჭი უყარა და დაამტკიცა ევროკავშირის საბჭოს გადაწყვეტილების პროექტი „ევროჯასტის“ (EUROJUST) მიერ საქართველოსთან თანამშრომლობის შეთანხმების გაფორმების თ

მაიკ პომპეომ დავით ზალკალიანთან საუბრისას მაღალი შეფასება მისცა აშშ-საქართველოს სტრატეგიულ პარტნიორობაში მიღწეულ პროგრესს

14 თებერვალი, 2019 , 10:57

საქართველოს საგარეო საქმეთა მინისტრი დავით ზალკალიანი სამუშაო ვიზიტით პოლონეთში იმყოფება, სადაც საერთაშორისო კონფერენციის „მშვიდობა და უსაფრთხოება ახლო აღმოსავლეთში“ გახსნის ღონისძიებაზე ხანმოკლე შეხვედრა და

აუცილებლად გასაწერია ობიექტური კრიტერიუმები და პროცედურები, როგორ უნდა მოხდეს მოსამართლეების შერჩევა - მამუკა ბახტაძე

13 თებერვალი, 2019 , 15:40

სასიცოცხლოდ მნიშვნელოვანია, მოსამართლეების შესარჩევად ჩამოყალიბდეს ობიექტური კრიტერიუმები და პროცედურები, – ამის შესახებ საქართველოს პრემიერ-მინისტრმა, მამუკა ბახტაძემ დღევანდელ ბრიფინგზე განაცხადა. პრემიერ-მინისტრ