უკან

უახლესი ამბები

დღის კალენდარი

ანონსები

არქივი

პოლიტიკა

12 იანვარი, 2018 13:08
font-size

თუ მთელის ორი შემადგენელი ნაწილიდან ერთი ეკუთვნის ივანიშვილს, მთელში როგორ არ გამოდის მისი წილი? რომელი არითმეტიკაა ეს? - რომან გოცირიძე ე.წ. „ბიტკოინების ქარხნებზე“

„ერთიანი ნაციონალური მოძრაობის“ ერთ-ერთი ლიდერი, რომან გოცირიძე თანაინვესტირების ფონდის განცხადებას გამოეხმაურა, რომელშიც კომპანიამ უარყო მისი და ბიძინა ივანიშვილის კავშირი „ბიტფიურის“ გორისა და გლდანის დატა ცენტრებთან.

„ბიძინა ივანიშვილის თანაინვესტირების ფონდმა განაცხადა, რომ არც გორსა და არც გლდანში არსებულ ბიტკოინის ცენტრში წილი არა გვაქვსო. არადა, საპირისპიროს ამბობს მისი წარმომადგენელი - გორის საწარმო თანაინვესტირების ფონდის შექმნილიაო, მეორე არაო. თუმცა სხვა ინტერვიუში განაცხადა, რომ გლდანის ცენტრი თანაინვესტირების ფონდის სესხით აშენდაო.

ამ კომპანიის ოფშორებში გადამალულ მესაკუთრეებზე თავი რომ არ ვიმტვრიოთ, ერთში მაინც მარტივად ვრწმუნდებით, რომ გორისა და გლდანის ენერგოვამპირები ეკუთვნის ერთ ფირმას. თუ მთელის ორი შემადგენელი ნაწილიდან ერთი ეკუთვნის ივანიშვილს, მთელში როგორ არ გამოდის მისი წილი? რომელი არითმეტიკაა ეს?

კიდევ ერთი სიცრუე, რომელსაც ეს კომპანია ავრცელებს-თითქოს მათი შეღავათი დენის ტარიფში იყოს მხოლოდ დღგ-სგან გათავისუფლება. სინამდვილეში, განსხვავებით ჩვეულებრივი მომხმარებლებისაგან, ეს საწარმო პირდაპირ არის მიერთებული გლდანის ქვესადგურზე და დენი უჯდება კიდევ უფრო ნაკლები.

სწორედ ამასა და სხვა პრივილეგიებზე არის დაფუძნებული ამ ცენტრის რენტაბელობა“, - დაწერა გოცირიძემ ფეისბუკის საკუთარ გვერდზე.

თანაინვესტირების ფონდის მტკიცებით, 2014 წელს „ბიტფიურიმ“ მისგან სესხი აიღო, რომელიც 2015 წელს დაფარა. ფონდის ინფორმაციით, ბიძინა ივანიშვილი ან მისი რომელიმე კომპანია „ბიტფიურის“ გორისა და გლდანის დატა ცენტრების წილს არ ფლობენ.

„ევროპული საქართველოს“ მტკიცებით, კომპანია „ბიტფიური“ ბიძინა ივანიშვილის მიერ თბილისის თავისუფალ ზონაში გახსნილი დატა ცენტრია, სადაც კრიპტოვალუტის -ბიტკოინების გამომუშავება ხდება. პარტიის განცხადებით, მისი გახსნიდან (2015 წლის 15 დეკემბრიდან) თბილისის მოხმარება დღეში 40 მეგავატით გაიზარდა, რომლის გადახდა მოსახლეობას უწევს. „ევროპულმა საქართველომ“ აღნიშნა, რომ თვითონ „ბიტკოინების ქარხანა“ შეღავათიანი პირობებით სარგებლობს და როგორც თავისუფალ ზონაში განლაგებული ობიექტი, დენში 5 ცენტს ( გახსნის მომენტში დაახლოებით 10 ცენტი იყო) იხდის.

„ბიტფიური ჯგუფის“ წარმომადგენელი ეფრემ ურუმაშვილი თავად გამოეხმაურა „ევროპული საქართველოს“ განცხადებას, რომელმაც ელექტროენერგიაზე გადასახადის ზრდა ამ კომპანიის საქმიანობას დაუკავშირა.

მისი თქმით, თანაინვესტირების ფონდის სესხის დაფარვის შემდეგ კომპანია ფინანსურ-საქმიან ურთიერთობას აწარმოებს „საქართველოს ბანკთან“.

როგორც განცხადებაშია ნათქვამი, ჯგუფი არ სარგებლობს არანაირი პრივილეგიით და ამის დასადასტურებლად „ბიტფიური“ კვირის ბოლომდე გამოაქვეყნებს კომუნალური გადასახადების შესახებ დეტალურ ინფორმაციას.

საქართველოში აშშ-ის საელჩო გამყოფ ხაზზე მიმდინარე პროცესისა და ლუგარის ცენტრის წინააღმდეგ მიმართული რუსეთის კამპანიის შესახებ განცხადებას ავრცელებს

27 მაისი, 2020 , 20:12

საქართველოში აშშ საელჩო ადმინისტრაციულ გამყოფ ხაზზე მიმდინარე ბორდერიზაციის პროცესისა და ლუგარის ცენტრის წინააღმდეგ მიმართული კამპანიის შესახებ განცხადებას ავრცელებს. „იმ ფონზე, როდესაც მსოფლიო ულოცავს საქართველოს

სალომე ზურაბიშვილი მონაკოს პრინცს ტელეფონით ესაუბრა

27 მაისი, 2020 , 17:46

საქართველოს პრეზიდენტი სალომე ზურაბიშვილი დღეს მონაკოს პრინცს, ალბერ მეორეს ტელეფონით ესაუბრა. საქართველოს პრეზიდენტის პრესსამსახურის ინფორმაციით, სალომე ზურაბიშვილი პრინცის ჯანმრთელობის მდგომარეობით დაინტერესდა, რადგან

გიორგი გახარია არის ჯალათი, არის „ქართული ოცნების“ მმართველობის ყველაზე სისხლიანი დღეების შემოქმედი - თინა ბოკუჩავა

27 მაისი, 2020 , 16:59

გიორგი გახარია თავმომწონედ პოზირებს, თითქოს დაავიწყდა, რომ მისთვის ადამიანის სიცოცხლესა და ჯანმრთელობას ჩალის ფასი აქვს, – ამის შესახებ „ნაციონალური მოძრაობის“ წევრმა, თინა ბოკუჩავამ პარლამენტის სხდომაზ

ნატო ჩხეიძე პრემიერს: ძნელბედობაა ბატონო გიორგი ახლა და თქვენი „წერტილები“ ჩვენს მოსახლეობას ვერაფერში დაეხმარება

27 მაისი, 2020 , 16:05

თქვენი მთავრობის მუშაობის შემხედვარე აუცილებლად გაახსენდება ადამიანს რობერტ ბერნსის ერთი ფრაზა. ვფიქრობ, რომ ის ესადაგება თქვენი მთავრობის მუშაობას და თქვენი ნებართვით ვიტყვი: „ცხენების ჩონჩორიკს რომ უნდა ხვეტავდნე

რუსეთის მოწოდება სხვა ქვეყნებისადმი, შეასრულონ ღია ცის ხელშეკრულების დებულებები პოლიტიზების გარეშე, სხვა არაფერია, თუ არა ცინიკური განცხადება - საქართველოს საგარეო უწყება

27 მაისი, 2020 , 14:37

წლების განმავლობაში, რუსეთი სისტემატურად არღვევს ღის ცის ხელშეკრულების დებულებებს და ახდენს მის პოლიტიზებას, – ამის შესახებ საქართველოს საგარეო საქმეთა სამინისტროს კომენტარშია ნათქვამი, რომლითაც უწყება რუსეთის საგა

მივმართავთ საერთაშორისო თანამეგობრობას, არ დაუშვან ლუგარის ცენტრის წარმატებული ფუნქციონირების ეჭვქვეშ დაყენება - საგარეო უწყება

27 მაისი, 2020 , 14:15

მიუხედავად იმისა, რომ რუსეთთან არანაირი ორმხრივი იურიდიული ვალდებულება ამ საკითხზე არ გააჩნია, საქართველო, გამოთქვამს მზადყოფნას, უმასპინძლოს მორიგ ვარჯიშს/ვიზიტს ბიოლოგიური იარაღის აკრძალვის კონვენციის ფარგლებში, მათ შო