კომენტარი

თუკი ბუნებრივი პირობები ხელს შეგვიწყობს, უახლოეს საათებში ხანძარი უკვე ლიკვიდირებული იქნება - გიორგი მღებრიშვილი

ბორჯომში, ხანძრის ადგილზე შინაგან საქმეთა მინისტრი გიორგი მღებრიშვილი ჩავიდა.

მღებრიშვილი ხანძრის ლოკალიზაციის სამუშაოებს უშუალოდ ხელმძღვანელობს.

როგორც მინისტრმა მედიას განუცხადა, ამ ეტაპისთვის ცეცხლი ლოკალიზებულია. მისი თქმით, მიმდინარეობს ხანძრის ლიკვიდაცია.

„ამ ეტაპისთვის ცეცხლი ლოკალიზებულია. მისი გავრცელების საშიშროება აღარ არსებობს. მიმდინარეობს უკვე ხანძრის ლიკვიდაცია. წუხელ, მთელი ღამის განმავლობაში 200-ზე მეტი მეხანძრე-მაშველი მუშაობდა. ჩვენ საქართველოს ყველა რეგიონიდან დავახმარეთ ადგილობრივებს, სამაშველო სამსახურებსა და სახანძროს ჩვენი თანამშრომლები. ბიჭებმა ძალიან ეფექტურად იმუშავეს, მიუხედავად რელიეფის საკმაოდ რთული მდებარეობისა. ასევე, ხანძრის გავრცელებას ძალიან უწყობდა ხელს ქარი და თუკი ბუნებრივი პირობები ხელს შეგვიწყობს, უახლოეს საათებში ხანძარი უკვე ლიკვიდირებული იქნება“,- განაცხადა მღებრიშვილმა.

ბორჯომში, სოფელ დაბასთან ხანძარი გუშინ გაჩნდა.

ადგილზე მთელი ღამის განმავლობაში მძიმე ტექნიკის დახმარებით მიმდინარეობდა ხანძრამდე მისასვლელი გზის გაწმენდითი სამუშაობები.

დილის 06:00 საათიდან ადგილზე ვერტმფრენი და სამაშველო სამსახურებმა განაგრძეს მუშაობა.